_ أولتهُ بصرها ثم تابعت بنبرة حذرة
– عايزاك تركز أوي الفترة الجاية ، المعلومة اللي تجيبها لازم تتساوى بالدهب ياأستاذ ماجد
ماجد وهو يهز رأسه موافقًا : حاضر ياهانم
كارمن : دلوقتي لازم تمشي ، والمبلغ المتفق عليه هيوصل حسابك النهاردة
ماجد : اللي يهمني مصلحة الشركة ، واللي كان هيضيعها ريان بغباؤه قبل كده
_ تقوست شفتيها بإزدراء .. فهي تعلم أن مبتغاه هو المال وضمان عمل آخر إذا أنهارت شركات النعماني تكون بديلًا له ، ولكنها سارت على نهجهُ ونطقت بأسلوب عابث
– أكيد ياأستاذ ماجد ، أكيد
……………………………………………………….
_ ألتفت الفتيات في حلقة دائرية حول الطاولة الزجاجية الأنيقة التي تتوسط الطاولات العديدة في المقهى الراقي بأحد النوادي الشهيرة .. حيث أنشغلن بالحديث عن ” كارمن ” التي أختفت من بين أصدقائها ورفيقاتها عقب وفاة والدها و…..
يسرا : من ساعة اللي حصل لأونكل جلال وانا مش عارفة أوصلها خالص
نهاد وهي تضع كأس المشروب البارد على سطح الطاولة : وانا روحت عشان أطمن عليها دادة لطيفة قالتلي مش بتقابل حد
زينة : برضو اللي مات ده مش أي حد ياجماعة ، ربنا يرحمهُ
_ وفجأة أنتقلت أبصار الفتيات نحو ” تاج ” التي كانت ترافقهم في جلستهم ولكن سيطر عليها الشرود .. فنطقت يسرا وهي تسلط بصرها عليها ب…..