– مستر ريان ميصحش كدا ! ، قولت لحضرتك في meeting مهم
ريان :…….
_ نهضت كارمن عن مقعدها بإنفعال .. أشارت للسكرتيرة لكي تخرج عن القاعة ، ثم رددت للمسؤل عن جهاز العرض :
– هنأجل الإجتماع لوقت تاني ، sorry ياجماعة
_ بدأ الجميع في النهوض ، وأُضيئت أنوار القاعة لتتبين ملامحه الصارمة لها.. رمقته بإستنكار ممزوج بالغيظ ، وانتظرت خروج أخر فرد من الحجرة ..ثم صاحت فيه :
– إنت إزاي تدخل بالشكل الهمجي ده !
ريان وهو يشير نحوها بحقد : إنتي كنتي عارفة اللي بين أخوكي وأختي !
كارمن وقد رمشت عينيها عدة مرات :… آ
ريان وهو يشير لحاله : ومحاولتيش تعرفيني !
كارمن وهي توليه ظهرها : أنا مش فاهمة انت بتكلم عن إيه !
_ سار نحوها بتشنج وجذب رسغها وهو يقبض عليه بعنف .. لكي تستدير له وهو يقول بصوت خشن :
– لأ ، فاهمة كويس وبتستعبطي !
إزاي سيبتيه يقرب منها وانتي عارفة إني مش هوافق ؟
كارمن وهي تجاهد لتنزع رسغها منه : على أساس إني أنا اللي موافقة أوي ! آآآه ، سيب دراعي
ريان وهو يشدد قبضته عليها ليزيد من آلمها : أنا بكرهك ياكارمن !
كارمن : ………
_ هل صحيح ما قالهُ ! هل بالفعل وصل لحد الكره لها !
نظرت لعينيه مصدومة لثوانٍ .. ثم أجبرت حالها لتنطق بنفس لهجته :