– يابختك ياعم ريان ، لميت عليك عمتك واختك وسيبني لوحدي
ريان وهي لا يزال بمحلهُ : الليلة ليلتي يانُعماني ، أدعيلي أتوفق في المشوار ده ونحدد معاد قراية الفاتحة عشان أخدكم معايا المرة الجاية
طاهر : كل حاجة هتمشي زي ما تحب يابني ، أنا ماصدقت هفرح بيك .. وأي طلبات لأبو عروسة متشيلش همّ إحنا سدادين وقدها
ريان وقد أنفرج ثغرهُ لتدعيم والدهُ : ربنا يخليك لينا يابابا
_ مسحت مايسة على رأسه وهي تقول :
– صدق اللّه العظيم ، ربنا يحميك يابني ويبعد عنك شر الناس
ريان وهو ينهض عن جلستهُ : ربنا يخليكي ليا ياعمتي
_ أقتربت منهُ تاج وهي تمسك بـ قنينة عطر لتنثر فوق سترتهُ.. فتركها ريان لتقوم بمهمتها و :
– شكرًا ياتوتي ، عقبال ما أزوقك بأيدي
_ قالها وهو يمسح على وجهها بعنف كنوع من المزاح ، فأبتعدت وهي تردد :
– يالهوي على رذالتك ، فصلتني
_ أنتقل ريان بخطواتهُ لمغادرة الغرفة ، وردد :
– دعواتكم بقا ، ســلام
مايسة بصوت خفيض : ربنا يسعدك ياحبيبي وينورلك طريقك ويجعلك نصيب فيها
…………………………………………………….
_ كان تذرع حجرتها ذهابًا وأيابًا من فرط القلق ..
وصوت حذائها العالي المثير يتحرك معها.. في حين كان كريم جالسًا على الأريكة العريضة ليراقبها بتفحص ..
حتى قرر قطع هذا التوتر بـقولهُ :