…………………………………………………………
_ خرجت كارمن من المرحاض عقب أن أغتسلت جيدًا من بقايا المياة المالحة .. وقفت أمام المرآة لتتفاجأ بظهور حُمرة خفيفة على وجنتيها على أثر الشمس والمياة المالحة .. فضيقت عينيها وهي تهتف بتذمر :
– برضو الـ sun bloke ( كريم واقي من الشمس ) منفعش معايا المرة دي !
يسرا وهي تتمعن النظر لبشرتها : على فكرة الحمار اللي في وشك جميل جدًا ياكوكي ، عشان انتي بشرتك بيضا
_ أنتقلت كارمن نحو الخزانة الصغيرة وأخرجت ثوب ( فستان ) يصل لبعد ركبتها من اللون الزهري ، له أكمام قصيرة من الحرير ومُطعم بفصوص لؤلؤية صغيرة على الصدر .. رفعته لأعلى وهي تنظر حيال صديقاتها ثم قالت :
– إيه رأيكو يابنات ، الفستان ده أحلى ولا ألبس الفستان السيمون عشان سهرة النهاردة
نهاد وقد أنفرج ثغرها بإعجاب شديد : ده حلو أوي ياروكا ، بس انتي خارجة النهاردة كمان !
كارمن بسعادة شديدة : آه ، ريان قالي جهزي نفسك عشان عاملي مفاجأة
يسرا وهي تعض على شفتيها بقلة حيلة : طب ما تسهري معانا النهاردة ، إحنا مش عارفين نقعد معاكي خالص
كارمن وقد أصابها الحرج : معلش ياياسو بس دي أول مرة ريان يسافر معايا وانا مينفعش أسيبه لوحدهُ
نهاد وهي تنظر نحو يسرا : طيب ياكوكو اللي تحبيه