_ شدد على عبارته ليؤكد رغبته المتشددة في المشاركة بإحتفالات عيد مولدها .. كانت الفكرة مُقلقة بالنسبة لها ، فهي تعلم إلى أي مدى تبغض كارمن هذا الرجل ..
ولكنها تخشى أيضًا أن ترفض التعاون معهُ ، فـ يُدبر الأمر خلسًة لـ تسوء الأوضاع أكثر ..
أخفضت بصرها وراحت تطقطق أصابع كفيها بتوتر ، وهي تفكر في الأمر تفكيرًا شموليًا ..
من الممكن أن تجعلهُ يشاركها بأبسط الأشياء ، فتكون قد حققت المعادلة وفازت بضمان إلتزامهُ بالهدوء ..
ولكن تتبقى عقبة أخرى أشد صعوبة .. ريـــان !
…………………………………………………..
_ لا تدري ! هل ما فعلتهُ هو الصواب أم الحماقة بعينها؟
هي أرادت ألا تجعل الفرصة سانحة أمامهُ لكي ينفرد بالتخطيط لهذا اليوم المميز .. لذلك وافقت على مشاركتهُ ، ولكن كان لـ نهاد رأي آخر :
– بصراحة مش مرتاحة لليوم بتاع بكرة ده ، خصوصًا إن ريان كمان موجود معانا هنا .. أنتي عارفة ممكن يعمل إيه! ده هيرتكب جناية
يسرا وهي تعض على شفتيها بقلة حيلة : مكنش في حل تاني ، مش أحسن ما كنت سيبته ورفضت .. الله أعلم كان هيرتب إيه من ورانا ، إنما لما أكون معاه في الصورة أكيد هنتحكم في الموضوع ويظهر إننا إحنا اللي رتبنا للـ party دي
نهاد وهي تفرك رأسها بتفكير : طب وهتعملو إيه ؟
يسرا وقد تلوت شفتيها بإزدراء : هنعمل حفلة في الكافية بتاع الفندق ، هو قالي هيظبط الموضوع مع الأدارة هنا وكل اللي عليا إني أخلي كارمن تحضر