– حبس ٤ أيام
طاهر بلهجة مستنكرة : إزاي يارفعت ! إزاي
رفعت وهو يذم على شفتيه بيأس : شهادة بنت المجني عليه مكنتش في صالحنا أبدًا ، لكن إن شاء الله نقدر نثبت البراءة
مايسة : ابني هيروح مني !
طاهر وهو يعنفها : بس يامايسة ، ريان مفيش ضده أي دليل ، وان شاء الله يطلع منها
…………………………………………………………..
_ كان يضرب كفيه سويًا وهو يجوب المكان ذهابًا وإيابًا .. نظر لساعة يده بتوتر ثم نطق :
– مش ممكن اللي بتعمليه فيا ده ياكارمن ! هتكون راحت فين من بدري كدا ؟
قُصي وهو يمسك بهاتفهُ ليطلب أحدهم : ألو ، طمني عرفت حاجة؟
_ نهض قُصي عن جلسته ثم تابع :
– خلاص انا هتصرف
كريم وهو يقترب منه : عرفت هي فين !
قُصي وقد غزا القلق ملامحه : لأ ، أنا هخرج أدور عليها بنفسي
_ وقبل أن يتحرك قُصي ، لمحو ظلًا يقترب من باب القصر .. فركض قُصي وفتح الباب سريعًا ليجدها تقف أمامهُ بهيئتها المثيرة للقلق ، فالتقط كفها سريعًا عقب أن شعر إنها ستسقط .. بينما أنتقل شقيقها نحوها بشئ من الراحة وهو يردد :
– حرام عليكي ياكارمن ، كنتي فين من الصبح خضيتيني عليكي
كارمن بصوت ضعيف : كنت في النيابة ، بياخدو أقوالي
قُصي وقد تبدلت تعابير وجهه للوجوم : وبعدين !!
كارمن : ……