_ سار ريان نحو مكتبهُ وهو يردد :
– تمن محاولته قتلي مش هيعدي على خير ، أنا هخرب بيتهُ وأحصرهُ على كل حاجة قبل ما أنهيه
…………………………………………………………..
_ أنهى منظم الحفلات شرح العرض لـ قُصي ، فقال بلهجة متباهية :
– كدا أنا شرحت لسيادتك كل مميزات قاعات دجلة للمؤتمرات والندوات والإحتفالات ، وأي باكدچ حضرتك بتختاره إحنا بنفذهُ على أعلى مستوى
قُصي وهو يتفحص صور القاعات : جميل ، إحنا عايزين حفلة الإفتتاح كل الناس تتكلم عنها
المنظم : هيحصل يافندم
_ ولجت كارمن للداخل عقب أن قرعت عدة قرعات على الباب ، فنهض قُصي متهللًا لإستقبالها .. وهو يهتف :
– حببتي ، نورتي المكتب
كارمن وهي تتجاهل يدهُ الممدودة لها : السكرتيرة قالتلي إنك عايزني
قُصي : عايزين ناخد رأيك في حاجة مهمة ، بخصوص حفلة إفتتاح المشروع
_ جلست كارمن على المقعد الموازي للمنظم ، رفعت ساقها على الأخرى ثم رددت :
– أنا مش عايزة حفلات إلا بعد إكتمال المشروع ، بس طالما انت عايز خلاص مفيش مانع
المنظم وهو يدعم موقفه : مش هتندمي أبدًا ياهانم
_ أشار له قُصي لكي ينصرف ، وهو يتابع :
– هتواصل معاك تاني ، وإحنا على أتفاقنا
المنظم وهو يجمع أشيائه : تحت أمرك في أي وقت .. عن أذنكم