لم تكمل تيا حديثها ،فقطع صوت
.رنين هاتف سيف الحوار
-سيف:طب معلش يا تيا،دي ماما ثانية واحدة وهبقى معاكي،
-تيا:لا خد راحتك،و سلملي على طنط
-سيف:يوصل حاضر ،ألو يا ماما؟
(لحظة صمت)
في ايه يا ماما؟مال صوتك؟
-ناهد منهارة عبر الهاتف:الحقني يا سيف!أحمد تعب و احنا في الإسعاف دلوقتي رايحين المستشفى
-سيف: اهدي يا ماما،أنا مش فاهم منك حاجة…ايه اللي حصل؟
-تيا بصوت قلق:في ايه يا سيف؟مال طنط؟
(أشار سيف لتيا بيده كي تصمت ليتسطيع سماع والدته،التى كان صوت
(بكائها واضحاً في الهاتف
-ناهد:باباك تعب و احنا كنا في النادي و نقلناه على المستشفى
-سيف:ايه؟بابا!،طب مستشفى ايه؟
-ناهد مستشفى*****ء
-سيف:طب اهدي يا ماما،أنا جاي على طول
-تيا بقلق:في ايه يا سيف؟ايه اللي حصل؟
-سيف و هو يركض:بابا تعب و نقلينه المستشفى
-تيا و هي تلحق به:ايه؟ عمي!! طب استنى يا سيف، أنا جاية معاك
-مصطفى و هند:طب ابقوا طمنونا
-تيا من بعيد:حاضر ،حاضر
ركض سيف مُسرعاً إلى خارج الكلية،و لحقت به تيا.استقل سيارته المصفوفة بالقرب من الكلية،و جلست إلى جواره تيا.ضغط على دواسة البنزين بقوة ،و انطلق بالسيارة مسرعاً نحو المشفى
.بينما لحق بهما ياسر بسيارته،
……………………
في سيارة سيف
.كان سيف يقود سيارته بسرعة رهيبة
-تيا:براحة يا سيف،اهدى، مش كده
-سيف:أنا ماعنديش استعداد اخسر أبويا يا تيا زي ما خسرت أمي زمان
-تيا:ماتقولش كده،هيبقى كويس صدقني…بس اهدى شوية.ماينفعش طنط تشوفك كده ،ده انت اللي المفروض تقويها
-سيف:هي كمان يا حبيبتي لوحدها..و أكيد مش هتعرف تتصرف
-تيا:أنا هكلم بابا أبلغه،لازم يعرف،و كمان يمكن يوصلها قبلينا