بينما ادهم كان يبتسم بشده وهو يتخيل رده فعله عندما يعلم بانخفاض اسهمه للحضيض وخسارته لجميع اوماله التي سرقها قديما من عائله السعيد وايضا احتراق مخازنه لم يترك له ادهم قرش واحد لم يتبقي له فقط سوي منزل او اثنين لوي ادهم فمه بتذمر كان يجب أن يدمرهم أيضا ولكن لا بأس ليفرح بهم الان قبل أن يعرضهم للبيع وهو سيأخذهم بابخس الأثمان
ضحك ادهم بشده وهمس / احيانا بخاف من نفسي
RAHMA NABIL 美心
صفعه هوت علي وجهها جعلتها تنظر له بعيون جاحظه وتصرخ به / انت اتجننت ولا إيه بتمد ايدك عليا يا محمد
محمد بكره وقرف / للأسف اتأخرت كتير اوي يا صفيه هانم غلطت لما اخترتك زوجه وام لاولادي وغلطت لما اعتمدت عليكي في تربيتهم وغلطت لما سيبتك معاهم لوحدك
ثم صرخ بهياج / غلطت لما فكرت ان صفيه هانم بنت بياعه الطعمية هتبقي ام لعيالي نسيت انك واطي…. وهتفضلي طول عمرك كده طبعا ما هي شبعه بعد جوع بعد ما كنتي بتقعدي بضفار علي أول شارعكم تبيعي طعميه بقيتي سيده المجتمع الراقي صوفي هانم اكيد من حقك تعملي كل اللي عملتيه والفلوس تعميكي
صرخت به صفيه تحافظ علي ما تبقي من كرامتها الوهميه / اخرررررس يا محمد انا صوفي هانم رئيسة اكبر جمعيات حقوق المرأه انا صوفي هانم اللي الكل بيتزاحم عشان بس يقابلني
محمد وهو يضحك بجنون /بس كل ده منين يابنت بياعه الطعميه يا معفنه
نظرت له صفيه بغضب شديد لاهانتها
بينما محمد كان في داخله يعلم انه مخطأ بذكره لماضيها لم يتربي علي هذا ولكن هي تستحق أخرجت اسوء مابه تحدث بها بندم / ضيعتي نفسك يا صفيه وضيعتي عيالك حرام عليكي شايفه آخرة تربيتك بنتك بتفضح اختها
صفيه بسخريه / وحضرتك كنت فين وانا بضيعهم ها حضرتك كنت فين وانا بدمر عيالي
جلس محمد علي المقعد بتعب وهو يضع رأسه علي كفه بندم / كنت غبي فكرت اني لما اسافر واجمع فلوس آكتر هكون بسعدكم وببني عيله سعيده مش محتاجه لأي حاجه
نظرت له صفيه بسخريه / ومفكرتش ان العيله دي كانت محتاج لزوج،،،، لاب، كنت فين وكل يوم عيالك بيكبروا يوم عن يوم كنت فين وهما بدأوا يمشوا او يتكلموا كنت فين وهما تعلموا يقولوا بابا ويبصوا ميلقوش باباهم زي باقي الأطفال ها رد عليا كنت فين من ده كله وفي الاخر جاي تلومني لاني شوفت نفسي زي ما انت عملت لا يا محمد فوق انا وانت زي بعض
محمد وهو ينهض بصراخ / أنا مش زيك اوعي تقولي اني زيك انا كنت ببعد عشانكم عشان مخليش حد فيكم يحتاج حاجه بس انتي يا صفيه انتي كان عندك ايه غير النوادي والمجتمعات والخروجات ها اتكلمي كنتي بتعملي ايه غير انك تخرجي وتسيبي عيالك للمربيه بسببك انا كنت حاسس اني مش متجوز ولا عندي حد يستناني بغبائك وجشعك خلتيني احس بالوحده
صفيه بتكبر / وانت متجوزتش ليه طالما حسيت بالوحده آه صحيح نسيت تلاقي مفيش واحده استحملتك غيري
ابتسم محمد بخبث / ومين قالك اني متجوزتش غيرك
نظرت له صفيه بخوف / قصدك ايه
محمد وهو يقترب منها ويهمس بشر / قصدي زي ما فهمتي يا زوجتي العزيزه انا متجوز ومش بس كده ومخلف منها كمان اقولك علي الكبيره بقي انا متجوزها بعد جوازي منك بأسبوع واحد بس
شحبت ملامح صفيه وكادت تنهار وهمست بصدمه / متجوز عليا
ضحك محمد بشماته بها / آه يا صوفي هانم متجوز ست ونعم حبيتها وحميتها بروحي وحافظت عليها وخلفت منها اول أولادي يعني هي أم البكري يا ام العيال بس للاسف كانت من الصعيد وهربت لأنهم كانوا هيجوزوها واحد كبير في السن قابلتها وحاولت اني اساعدها بس هي كانت ست محترمه رفضت راجل غريب يستضيفها ولأنها عجبتني طلبت منها الجواز وهي للأسف مكنش عندها حل تآني يا انا ياالراجل اللي في البلد عندهم وفعلا اتجوزتها بعد جوازي منك بأسبوع حسيت بالندم آوي اني بخدعك بس اعمل ايه كان قلبي بدأ يميل ليها بعد ما سفرنا أمريكا رجعت واخدتها وخلتها تعيش في فيله جنبنا وبعدها عرفت انها حامل قبل ما انتي تحملي في أسر وجابتلي علي الدنيا أجمل طفل شافته عيني بس للاسف الراجل اللي كان هتتجوزه كان في أمريكا عشان صفقه فبلغ أهلها وجم في يوم قتلوها اليوم ده كان معايا ابني اللي عنده تلات سنين وكنت بره رجعت وشوفت اسوء مشهد ممكن اشوفه في حياتي وللأسف لقيتهم كانوا لسه هناك وشافوني انا وابني أخدته وهربت بيه لآخر حته في العالم وديته أسبانيا لواحد صاحبي كان محروم من الخلفه هو ومراته وقولتله يحافظ عليه زي ابنه وانا هاجي واخده
لما رجعت هنا لقيتهم عرفوني وعرفوا كل حاجه واجهوني وانا انكرت كل حاجه وقتها عرفت ان لو ابني رجع هخسره هو كمان زي أمه فخليت صاحبي يجيبوا ويجي يعيش جنبنا عشان يكون تحت عيني مكنتش بخلي صاحبي يصرف عليه جنيه واحد حتي المناسبات اللي كان لازم الاب يحضر فيها كنت انا بروح معاه بحجه ان والده مش فاضي وكل ده وأهل مراتي كانوا مراقبني ومستنين ظهور ابني كان نفسي اقوله اني ابوه وانا شايفه بيكبر قدام عيني وعدت سنين وبسبب تأخر الخلفه عندك خلفتي أسر وقتها حسيت ربنا بيعوضني ويطبطب عليا بس برضو مهما مر الوقت بيفضل ابني البكر له مكانته حبيته آكتر من نفسي بس للاسف كنت خايف في يوم اخده في حضني واقوله اني ابوه فياخدوه مني ومرت السنين وأهل مراتي مبقتش اعرف عنهم حاجه بس برضو وقتها مقدرتش اصارح ابني اللي كان بقي شاب اروح واقوله ايه سامح ابوك اللي رماك لناس غريبه لانه مكانش قادر يحميك احط عيني في عينه ازاي كملت حياتي من غير ما اتكلم كلمه وانا من جوايا بتقطع علي بعد ابني عني وجيت علي نفسي وكملت حياتي عشانه وعشان اخواته كنت بزود في نصيبه في كل الصفقات عشان اعدل بينه وبين اخواته في الفلوس، دعيت ربنا يكونوا عيالي زي عيال اخويا بس للاسف انتي فشلتي يا صفيه فشلتي
صفيه بجمود غريب / مين هو ابنك
نظر لها محمد قليلا وطال صمته وكأنه يفكرثم القي قنبلته / ادهم يبقي هو ابني البكري
صمتت صفيه وطال صمتها لدقائق ودقائق ثم انفجرت ضاحكه بشكل مريب نظر لها محمد بتعجب وهي فقط تضحك بضخب / ااااااااه يا مسكين انت
ثم اقتربت منه وهي تسخر منه / وعمال نازل فيا محاضرات إزاي اكون ام مثاليه وانت…. انت رميت ابنك وقال ايه عشتان الطار آه صعبت عليا
صمتت تتبين ملامحه / انت اب فاشل يا محمد اب فاشل درجه أولي إزاي ترمي ابنك لصاحبك لا وبعد ما الخطر مشي خوفت تواجهه يعني مش فاشل لا وجبان كمان وياتري مين ابنك
صمتت ثم انفجرت ضحكا / ادهم ادهم اللي الكل عارف جبروته وان اللي يغلط معاه بيفعصه ومش بيهمه هو مين
ثم قالت وهي تزيد جروحه /عندك حق لو انا مكانك هخاف برضو انا وانت اسود من بعض يا محمد بل أنت اسود مني انت ايه يا أخي جبل استحملت ابنك يكون قدامك ينادي غيرك بابا ويجري عليه وانت مجرد صاحب والده ياجبروتك طب خد الكبيره بقي ابنك البكري كان هيتجوز اخته الصغيره
نظر لها محمد بفزع / لا لا ادهم عمره ما فكر كده في مليكه انا دايما كنت باخد بالي من الموضوع ده عمره ما يفكر كده انا متأكد
ضحكت صفيه بشده وصفقت وهي مستمتعه بقلب الطاوله عليه / منا مش قصدي مليكه انا قصدي ملك
صدم بل كاد يموت جراء الصدمه وسقط علي المقعد بتعب شديد ونظر لها وعينه جاحظه / ادهم بيحب ملك
ابتسمت هي بخبث لم تكن ستقول انه يحبها ولكن ما الضير من قول ذلك حتي تجعله يتوجع اكثر بما فعله في أولاده فهي علمت من أسر بعرض ادهم للزواج بملك لمساعدتها نظرت لمحمد الذي وكأنه كبر سنوات علي سنوات عمره / اها وكان هيتجوزها من وراك كمان أسر قالي انه كان مصمم يكتب كتابه عليها بعدين هيقول للعيله شايف ابنك البكر اللي بتتفاخر بتربيته كان عايز يعمل ايه
هز محمد رأسه بشده ونهض وصرخ بها ودموعه تهبط / انتي كدابه يا صفيه كدابه ابني عمره ما يعمل كده ده تربيتي انا من وقت ماصاحبي مات وهو كان مراهق انا اللي ربيته وزرعت فيه اخلاق بيت السعيد ابني عمره ما كان هيعمل كده أبدا أنا متأكد
نظرت له صفيه بشماته / أنا مالي انت بتزعق فيا ليه أسر اللي قالي كده انت عايز تصدق ماشي عايز تعمي عينك عن حقيقه ابنك اللي عمال تتفاخر بيه اللي امه أساسا واحده وس….. خطافه و……. آآآآآآه
لم تكمل بسبب صفعه محمد وهو يصرخ بها / انتي طالق برررررره يا صفيه اطلعي بره انتي طاااالق والست اللي كنتي بتتكلمي عليها دي ضفرها برقبتك يا صفيه اطلعي مش عايز المحك
صفيه بصدمه / بتطلقني يا محمد بتطلقني انا بعد كل السنين دي
محمد بجحود / للأسف اتأخرت آوي كان لازم اطلقك مع أول مره اتجبرتي فيها اطلعي برررررره بيتي ارجعي لاصلك يا صفيه مش هتشوفي مني شلن واحد برررررره
نظرت له صفيه بصدمه ثم هتفت وكأنها لا تعي شئ / طلقتني
امسكها محمد من زراعها بشده واخرجها خارج شقتهم والقاها ونظر إليها وهو يتذكر كل ما فعلته معه ومع أولاده يتذكر ضربها لابنائه يتذكر تجبرها وجحودها يتذكر كل ما افسدته / مش عايز المحك
ثم اغلق الباب بعنف وسقط أرضا وهو يبكي ما فعله لقد ابعد طفله الحبيب عنه ولم يكتفي بهذا بل ترك أطفاله الصغار لهذه المرأه المجنونه كان يراها وهي تضرب أبنائه بعنف خاصا مليكه التي كانت لا تعجبها تصرفاتها تحدث معها وهي كانت لا تجيبه فقط تنفذ ما برأسها لم يتحمل ما يحدث
فتح الباب لم يجدها فهبط بسرعه كبيره واصطدم باخيه ولكن لم يهتم فزع راشد من هيئه أخيه الصغير / محمد مالك
ولكن محمد لم يجيب وانطلق لوالده وفتح المكتب بسرعه فوجد والده يجلس مع فاطمه فركض له وهو يبكي كما كان يفعل وهو صغير بكي وهو يصرخ / بابا ساعدني ابوس ايدك عيالي عيالي انا غلطت
نهض سعيد بفزع هو وفاطمه وذهب لابنه وامسكه من كتفه وهتف / مالك يا محمد مالك يابني
نظر له محمد وبكي بشده كالطفل وكان راضي وراشد قد وصلوا
محمد ببكاء وانهيار وهو يسقط أرضا ويصرخ / ضيعت عيالي بغبائي ابني وبنتي ضاعوا انا اللي ضيعتهم كنت عايز اسافر عشان ابني حياه ليا بس كنت بهدها بغباء ابوس ايدك يا حاج ساعدني ابوس ايدك عيالي بيضيعوا مني ساعدني
بكي راضي بشده علي حاله أخيه المنهار
بينما راشد يضم والدته التي كان بكائها علي صغيرها يقطع القلوب انحني سعيد وجذب ابنه الصغير ونظر في عينه / متخافش طول منا جنبك يابني ربك كريم آوي بس انت اهدي وقولي فيه إيه