RAHMA NABIL 美心
نظر عامر بصدمه لندي وهو مازال لم يستوعب ما تقوله أين أخطأ هو هل اهملها هو دائما كان يخبرها انها صديقته وليست اخته فقط نظرت له ندي بخوف وتحدثت بهمس / عامر انا اسفه بس والله انا عرفت غلطي و….
قاطعها عامر وهو ينهض / خلاص يا ندي خلصنا من الموضوع ده ادخلي جوا دلوقتي
خافت ندي اكثر فهدوء عامر مخيف اكثر من غضبه / عامر وحياتي عن….
تحدث عامر وهو يجز علي أسنانه / قولت علي جوا وهاتي موبايلك ده
نظرت له ندي برعب وضغطت علي هاتفها / يا عامر…
عامر بهدوء يكاد يتصدع / هاتي فونك وادخلي جوا
مدت ندي يدها بالهاتف بخوف شديد واتجهت للداخل وهي ترتعش خوفا ولكن أثناء دخولها اصطدمت برامي الذي توازن بصعوبه علي عكازه ونظر لها بملل كاد يتجاهلها لولا نظرتها المرتعبه تلك وارتعاش جسدها ذلك فتحدث بلهفه لم يجاهد حتي لاخفائها / ندي مالك انتي كويسه
رفعت ندي عينها الذابله من كثره البكاء له وتحدثت بجمود / قولتله كل حاجه
نظر لها بعدم فهم / قولتي لمين وقولتي ايه مش فاهم.
تحدثت ندي ببكاء / قولت لعامر كل حاجه
فزع رامي بشده /قولتي لعامر؟؟ طب وهو عمل ايه
ابتسمت ندي بوجع / المشكله انه معملش المشكله انه معملش
لم يفهم منها رامي اي شئ لذا تركها وذهب يبحث عن عامر ولكن لم يجده في أي مكان فخرج يبحث عنه خارجا وجده يجلس علي مقعد في الحديقه وهو ينظر امامه بشرود فاقترب منه وتحدث بهدوء / عامر
رفع عامر رأسه له فصدم رامي من عيونه التي كانت حمراء وبشده رامي بشفقه / عامر ندي م….
قاطعه عامر وهو مازال يلوم نفسه قبلها علي مافعلت / الغلط كله غلطي انا
اشفق رامي بشده عليه فجلس بجانبه وربت علي كتفه / متقولش كده يا عامر انت عمرك ماقصرت معاها كلنا كنا شايفين انت بتعامل ندي إزاي بس هي صغيره ووارد تغلط كده
نظر له عامر بألم ووضع وجهه بين يديه / أنا غلطت في حق اختي كان لازم اخد بالي اكثر منها الله اعلم لو مكانتش فاقت في الوقت المناسب كان ممكن يحصل ايه ليها كان مين اللي ممكن يرضي انه يرتبط بيها لو كان الواد ده اذاها انا بس كل اللي زعلان عليه أن اختي كانت هتضيع مني انا…
صمتت قليلا لا يعرف ماذا يقول يشعر انه تائهه كثيرا فقاطع رامي أفكاره وهو يخبره بما صدمه اكثر واكثر /………..