نظر راشد بملل لعامر الذي يسير خلفه منذ بدايه الحفله / يابني بقي سيبني في حالي
عامر باصرار / طب قول موافق وانا اسيبك
راشد وهو يزفر بملل / يابني البنت لسه في ثانويه وقدامها امتحانات ومواويل وانت عايز تكتب عليها انت مالك كده يا عامر
عامر بتذمر / ياعمي والله مش هعطلها أبدا صدقني انا بس حابب أقرب منها آكتر ويكون مفيش حرمانيه في الموضوع
زفر راشد / مكنتش اعرف انك زنان كده كنت فاكرك عاقل
عامر بإلحاح / طب وافق وانا مش هزعجك أبدا ها بقي قولت ايه
راشد وهو يضرب كف علي كف / قولت لا اله الا الله عوض الله علي عقلك يابني
اقترب منهم راضي وهو يتحدث بتعجب / فيه إيه يا راشد مالك
راشد بتذمر / شوف ابنك يا راضي عايز يكتب كتابه علي اميره قبل ماتخلص ثانوي
عامر وهو يبرر لوالده / يا حاج والله ما هعطلها أبدا والله بص هذاكرلها كمان انا كنت علمي زيها هذاكر ليها اي حاجه بس جوزوهالي
ضحك راضي بشده / خلاص بقي يا راشد هيفضل يزن ده ابني وانا عارفه دماغه جذمه من صغره
عامر / مقبوله يا حاج بس جوزوني اميره
تحدث راشد لاخيه / يعني انت شايف كده
راضي وهو يضحك / شايف ونص ومتقلقش عامر كبير كفايه عشان يعرف ايه اللي ينفع وايه اللي مينفعش
تحدث راشد بقله حيله / طب هسألها واشوف رأي أخواتها
عانقه عامر بشده وهو يقبله / حبيبي يا راشد والله
ابعده راشد / اوعي ياض ده انت طلعت فظيع يخربيتك
ضحك عامر بشده وهو يفكر ان موعد اقتران اسم محبوبته باسمه اقترب كثيرا
ولكن في وسط تفكيره لاحظ شرود اخته ووقوفها وحدها اقترب منها بتعجب وتحدث / ندووش مالك ياقلبي
نظرت له ندي بشرود وهمست بدموع / عامر انا وحشه اوي
اقترب منها عامر بتعجب وربت علي رأسها / فيه إيه يا قلبي مالك وليه الدموع دي
ارتمت ندي في أحضانه وهي تشهق بعنف وتبكي بشده بينما هو فزع بشده علي اخته وضمها الي صدره بشده وهو يحاول تهدئتها ولكن دون فائده / مالك يا ندي حد زعلك احكيلي مش انا اخوكي حبيبك
ندي بندم شديد / أنا اسفه يا عامر سامحني انا خنت ثقكتكم كلكم انا….
قاطعها عامر وهو يجذبها بعيدا عن الضوضاء ويجلسها بجانبه /فيه إيه يا ندي احكي ياقلبي متخافيش
نظرت له ندي بخوف وهي تبتلع ريقها /……..