RAHMA NABIL 美心
دخلت ندي للمنزل مجددا وهي تنظر حولها بتشوش من كثره البكاء وكان خلفها رامي فاقترب منها بهدوء وتحدث بخفوت / ليه يا ندي ليه عملتي كده
انتفضت ندي بخوف ونظرت خلفها وجدته ينظر لها بعتاب ونظرات خيبه بها /رامي انا….
هز رامي رأسه /مش محتاج اسمع حاجه يا ندي مش محتاج اسمع حاجه صدقيني انا مش عارف حتي ليه بعاتبك لحد دلوقتي ندي انتي كسرتي كل حاجه فيا وعمري ما هسامحك عليها
بكت ندي مجددا / هتصدقني لو قولتلك انا مش عارفه ليه عملت كده رغم اني طول عمري وانا معرفتش غيرك ولا حبيت غيرك مش عارفه ازاي طاوعت شيطاني رامي والله العظيم ما حصل حاجه هو مرتين بس كلمته بعدين حسيت بغلطتي وكنت عايزه اقوله يبعد عني بس انت جيت وقتها يا رامي انا مش….
قاطعها رامي بسخريه / مش محتاجه تبرري اي حاجه يا ندي بعدين الكلام معدش ليه فايده خلاص انا دلوقتي واحد خاطب وعندي خطيبتي بنت محترمه جدا عمرها ماكلمت شاب ولا بصت في وش شاب بيكلمها
نظرت له ندي بألم فاق التحمل هل هو يهينها الان ويعايرها بخطيبته المبجله نظرت ندي في عيونه بنظره لوم علي حديثه وتحدث ببسمه قتلته / اممممم لاحظت فعلا ربنا يكرمكم يارب عن اذنك
ثم تركته وتحركت بجمود لم تبكي لم تذرف دمعه واحده سارت ببطئ شديد بينما هو نظر في اثرها وهو يسب نفسه ما الذي قاله للتو غبي غبي هو غبي كبير كيف يقول لها هذا هل وصل به الغضب لاتهامها او معايرتها بفتاه اخري
لم يشعر بشئ سوي بايه التي تحدثه / دكتور رامي… رامي
انتبه لها رامي / ها نعم يا ايه.
ايه ببسمه / مفيش بس كنت بقولك اني همشي عشان هشام ميزعقش
رامي وهو يهز رأسه / تمام اعتذري منه بالنيابه عني تحبي اوصلك.
هزت ايه رأسها برفض / لا شكرا لحضرتك هشام مستني بره سلام عليكم
رامي /عليكم السلام
نظر رامي لها وهي تسير هل حقا يراها افضل من ندي والجواب كان معروف لا يوجد فتاه في نظره افضل منها رغم كل شئ
خرج من شروده علي ضرب سعديه له / بقي يا معفن تسيب خطيبتك تمشي لوحدها مع هشام انت ايه ياض اهبل
نظر لها رامي يغيظ / آه يا سعديه ايدك تقيله يا ستي هشام ده يبقي اخوها الله يسامحك هو أنا ناقص
سعديه بسخريه / خلاص يا خويا وانا اعرف منين انه اخوها
رامي بتذمر / تسألي يا سعديه تسألي يا حبيبتي مش تكون ايدك سابقه لسانك كده
سعديه / خلاص يا خويا قولنا خلاص