هتف زين بخوف من هيأتها _مالك يا مرام مالك يا حبيبتي
ارتمت مرام في حضنه باكيه قائله _نيهان اتجوزت وغصب عنها كمان ليه كده ليه الدنيا جايه عليها كده ليه ليه تتجوز وهو مش راضيه ليه تتجوز كده طول عمرها بتحلم بفرح يكون مختلف عن أي حد ليه كده
وأخذت تشهق بصوت عالي راجيه من ربها أن يكون رفيق بنيهان
هتف زين بهدوء _اهدي واحكي اي إلا حصل
_كلمتني وووو…. مينفعش احكيلك للأسف بس احضني وسبني اعيط كتييير
أخذت تبكي بشده وهي في حضنه قائله _محدش بياخد إلا هو عايزه اتمنت تتجوز حد وللأسف محسش بيها اتجوز وسافر بيها بره… فضلت وراها لحد ما نسيته….. طول عمرها وهي لوحدها ملهاش غيري….. يتيمه من غير أب او أم في الدنيا وقولنا معلش قالتلي انتي اهلي يا مرام معاها من وأحنا صغيرين بس خلاص مش قادره اتحمل وجعها دا اكتر من كده…. نيهان دي أطيب حد ممكن تقبله يا زين والله…… انا تعبانه اوووى يا زين
هتف زين بحزن علي حال مرام ونيهان _اهدي انا لو ينفع أساعدها هاساعدها من غير متردد صدقيني أهم حاجه عندي انك متزعليش يا مرام انتي اغلي حاجه عندي دموعك دي بتموتني صدقيني
رفعت مرام رأسها ونظرت إليه مطولاً ثم هتفت بحب _وانت أغلي حاجه في دنيتي يا زين صدقني انت اهلي بعد ما بابا وماما فارقوني كنت انت ليا الأب والأم والأخ والصديق