رواية جمرات الغرام الفصل الثالث 3 بقلم ملك طارق
“فيلا الدمنهورى”
يدلف زين وبجانبه مرام ويبدو علي وجهها الحزن والخذلان
رأتهم رقيه والده زين _اي يا زين خرجت فين من امبارح بليل كده
_وانتي عرفتي منين يا ماما
_عم محمد البواب هو إلا قلنا
ردت مرام هذه المره قائله _كان معايا يا طنط رقيه كنا بندور علي نيهان صحبتي
_هي جرالها حاجه يا مرام بتدوره عليها
ليه يا حبيتي
_اختفت من المستشفي وشنطتها موجوده وموبيلها حتي عربيتها مش عارفه راحت فين
رقيه _متقلقيش حبيبتي اطلعي اوضتك ريحي شويه وانت يا زين اجهز عشان تروح الشركه
زين_فعلا لازم اروح الشركه هطلع اجهز عن اذنكم
وصعد للاعلي لكي يجهز
مرام _عن اذنك يا طنط عشان هموت وانام
روقيه _اطلعي حبيبتي وانا هطلع اشوف عمك صحي ولا لا
صعدت مرام للاعلي متجهه نحو غرفتها دلفت إليها وأخذت منامه حريريه ودلفت للمرحاض لتمتع بماء بارد يهدء من أعصابها وبعد وقت خرجت من المرحاض ودفست نفسها في ذلك السرير ولكن ثواني وقفزت من مكانها متجهه نحو غرفه زين دقت الباب ولكن لم تجد رد فدلفت للغرفه وجدته يخرج من المرحاض يلف خصره بمنشفه وفي يده منشفه صغيره يجفف به شعره نظرت له بتوتر وجبنتيه توردت من الخجل
قال لها زين بهدوء_في حاجه يا مرام
نظرت إليه ولسانها عاجز عن التحدث وتفرق يديها من التوتر _كككنت جايه اقولك حاجه بس خلاص لما تلبس اببقا قوولي ععن اذنك
كانت تخرج من الغرفه شبه راكضه ولكن وقفها زين قائلاً _مرام قولي انتي عايزه ايه مش هتفرق اللبس ولا لا انتي اختي الصغيره وهتف بسخريه مش دا كلامك
نظرت إليه بوجع وابتسامه حزينه _ااه كلامي كنت جايه اقولك شكراً يا أخويا انك دورت معايا علي نيهان
نظر إليها ببرود عكس ما بداخله _لا عادي انشاء هتكون كويسه وبرضه هكلم معرفي يشوفوا هي فيين
_تمام عن اذنك
ركضت لغرفتها والدموع تلمع بعينيها وهي تهتف بوجع _اختك اختك نفسي تفهم اني بحبك من غير ما اقووول
***************
كانت جالسه في تلك الغرفه المخيفه المظلمه معظم ألوانها داكنه فهي تخاف من الظلام ولكن هيهات هي ليست في منزلها لكي تفعل ما تحب فهي في منزل ذلك “حيدر الجبالي “التي يظهر علي وجهه القسوه والإجرام لفت نظرها صوت الباب يفتح ليدخل بهيأته المخيفه بذلك الزى إلاسود نظر إليها بجمود وقسوه قائلاً
_قومي معايا
ردت عليه بخوف _هنروح فين
_عند إلا خلقك… همووتك
ردت بدموع _مش هروح في حته وواعي تعتقد اني خايفه لا انا مش هستسلم أن هحاول اني اهرررب
نظر إليها ببرود قاتل وقال لها_هو انتي اعتقادك انك هتعرفي تهربي تبقي هبله يا دكتوره القصر كله مليان حرس
نظرت إليه وقائله بثبات مزيف _وانا موافقه انك تقتلني
نظر إليها بإستغراب من حدثها_موافقه
نظرت إليه بقوه _اه موافقه بس شوف بقا هتعرف تجيب السلسه إلا كان لبسها مارتن إزاى.. مهو انا نسيت اقولك ان السلسه دي معايا
نظر إليها بشر _هاتيها
_لأ
نظر إليها قائلاً _بقولك هاتيها
_ولما اديهالك وتموتني أي إلا هيحصل
نظر إليها بخبث _وانا ميهنش عليا الجمال دا يموت انا هتجوزك بمزاجك أو غصب عنك هتجوزك
نظرت إليه بحقد وصرخت فيه قائله_اخرج بره يا حيدر اخررج بكرهك صدقني
_مش فارق معايا حبك او كرهك جهزى نفسك فرحك بليل يا عروسه
تركها واقفه بشرود ترك لها الغرف وغادر تركها خائفه من ذلك المجهول