رواية جحيم قلوب عاقة الفصل الثاني 2 بقلم جيجي – للقراءة المباشرة والتحميل pdf
رقيه.. قصدك جايب بتى فى جبل فاضي ما فيهوش غير ديابه الجبل البنت هتقعد مع مين لما انت تطلع تروح شغلك…. هي دي عيشه دا البيت مكركب لا في عفش ولا في نيله…
عمار.. ما احنا هنجيب عفشنا اللي كان في بيتي القديم يا حماتي..
رقيه… صوح انت كل يوم والتاني تجيب البنت وتقعد تقولها قربت اخلص البيت.. ما تدقش بابنا واصل لما تبقى تخلص بيتك ابقى تعال خدها.. انا مش عارفه رجاله ايه اللي غلبانه في البيت دى يا اخواتي.. ده اخو خطيب اختها اتقدم لدهب الشهر اللي فات عارف عنده ايه عنده بيت في دبي وعنده بيت هنه.. هناك في دبي عشان لما يسافر.. واللى هنه عشان ما تقعدش ويا امه..
عمار بغضب… ايه الكلام ده… كيف اتجرا يتقدملها وهي على ذمتي انتى يا وليه جرى لعقلك حاجه…
رقيه.. زمتك.. هؤ لا ما هى لامعروفه مطلقه ولا متجوزه مش رجعت بيت امها تانى… ده انت حتى مش عارف تعملها بيت كيف الخلق…
عمار… والله دي كانت ظروفي من الاول من ساعت ما جيت اتقدملها وانتو رضيتو بيها…
دهب… بس بس عشان خاطري.. خلاص خلاص ياما اطلعى بره استنينى وانا هحصلك… ايوه ايوه انا رضيت بيها وراضيه… راضيه اعيش وياك.. باقل من كده..
عمار… راضيه بايه مش سامعه امك بتقول ايه مين ده اللي جى يتقدم..