– مارسيليو ، ممكن تقتل الدكتور اللي اسمه جاسر راضي
كانت تظنه سيوافق كالعادة ولكنها تفاجئت به يرفض :
– ما أقدرش ، جاسر راضي يبقى ابن أخت جاسر مهران ودا رجل أعمال كبير ، صاحب جاسر مهران يبقى خالد السويسي ودا لوا في مكافحة المخدرات ، كل دا مقدور عليه ، اللي مش مقدور عليه أخو خالد السويسي ، يبقى الدون ، وأنتِ عارفة أنا والدون أصحاب إزاي ، وعارفة القسم هو صحيح بعد ، بس من غير ما يطلع أي معلومة عننا ، فإحنا لسه تحت القسم أننا ما نأذيش أي حد ليه صلة بيه ، فهمتي ، وبعدين ما حدش قالك روحي لدكتور نفسي ، عندك سام معاه دكتوراة في الطب النفسي روحي احكي معاه ، صحيح روحي يلا عشان زياد هيجي يطلب إيدك بليل من أبوكِ !!
________________
قرابة التاسعة مساءً في قصر عبد الله الرشيدي ، نزلت مارسيليا تتهادى من أعلى بفستان أسود قصير يصل لما بعد ركبتيها بقليل وحذاء أسود بكعب رفيع ، رأت أبيها يقف أمامها ابتسم ساخرا ما أن رآها يردد متهكما :
– مش ممكن مارسيليا هانم في البيت دي معجزة ، أنا بشوفك صُدف في حياتي يا مارسيليا ، أنا قولت لما العريس يجي يتقدملك هقوله والله ما اعرفش بنتي فين دلوقتي
ضحكت مارسيليا ساخرة قبل أن تتحرك صوب أقرب منها تردد باسمة :