– ساكت ليه ؟ رد عليا ، ليييه ؟ أنا ذنبي ايه ؟ أنا أذيتك في ايه ؟ أنا أذيت أختك في ايه ؟ ليه تاخد حقها مني أنا ؟ ليه ما خدتهوش من مالك ؟ ليه تستقوى عليا وتقهرني وتذلني ، سيرتي على لسان كل أهل البلد ، الكل بينهش في لحمي وعرضي وشرفي بسببك ، وجيت بعد كدة عملت فيها البطل اللي جاي يداري على الفضيحة ، فضيحة هو اللي عملها ، أنت مستحيل تكون بني آدم وعندك قلب وبتحس ، أنا اللي أستاهل عشان حبيتك ، وكان جزاء حُبي ليك اللي دافعت عنه قدام أبويا واتبهدلت واتضربت منه كتير ، أنك أنت اللي تلفق لي فضيحة ، أهل البلد وهما بينهشوا في سمعتي كانوا بيقولوا عنك راجل محترم وتعرف ربنا
تفتكر لو أنا كنت صرخت بعلو صوتي وقولتلهم هو اللي عمل كدة ، كانوا هيصدقوني ؟! ما حدش كان لا هيسمع ولا هيصدق يا شاهين
أنا بكرهك يا شاهين ، بكرهك من كل قلبي ، عمري ما هسامحك ، ولا هسامح نفسي إني حبيت واحد زيك في يوم
بعد سيل الكلمات التي خرجت من بين شفتيها لم يكن هناك ما يقوله ، لم يشعر يوما أنه يحتقر شخص بقدر إحتقاره لنفسه الآن تحديدا
رفق باتت تكرهه وهل يلومها ؟!
الأمر يحتاج لعدة خطوات منظمة مرتبة لينال سماحها من جديد ، أولها وأهمها أن يخرجها من قريتهم في أقرب وقت ممكن