– بص يا أستاذ ظافر ، أنا عارفة أنك رئيس تحرير جرنان من أكبر جرايد البلد ، بس المشكلة أن الموقع الإلكتروني وصفحات التواصل الاجتماعي محتاجة شوية إعلانات عشان تلمع عن كدة وتتشاف ، ودا أنا أقدر أوفره ، حط المبلغ اللي يساعد أن الجرنان يبقى أكبر وأحسن ، مقابل خبر واحد يغرق الدنيا ، هو بس خبر واحد
لمعت عيني الرجل ما بين طمعا وفرحًا وافق بلا تردد ، أخذ كوب القهوة الذي وضعه العامل أمامه توًا ، ارتشف منه القليل قبل أن يغمغم برحابة :
– متفقين ، إيه هو الخبر
ضحكت مارسيليا عاليا قبل أن تحرك رأسها تردف سعيدة :
– أنا حقيقي بقدر الناس اللي عارفة مصلحتها وما بتناهدش ، هو خبر صغير خالص ، بس عيزاه يبقى ترند في كل حتة
« فضيحة الطبيب الشاب زياد عزالدين؛ الطبيب الشهير محل الثقة ، حاول الإعتداء على إحدى مرضاه والفتاة صرخت واستنجدت بالناس » إيه رأيك في صيغة الخبر دا ؟
رفع الرجل يديه وصفق بيديه ببطء يغمغم بكل انبهار:
– حقيقي هايل ، أنتِ لازم بجد تستغلي كاتبة أو صحفية ، حقيقي العنوان هايل في خلال ساعات بسيطة هيكون موجود في كل منصة ، هبعت لحضرتك رقم الحساب بتاع الجريدة عشان فلوس الإعلانات
ارتسمت ابتسامة كبيرة على شفتي مارسيليا تحرك رأسها بهدوء ، قامت من مكانها تفتح أحد إدراج مكتبها أخرجت علبة زرقاء بحجم كف اليد فتحتها أمامه تردد باسمة :