تالألأت الدموع داخل مقلتيها فلم تتحمل كلماته : انت مفكر ان موافقه على نديم عشان فلوسه
– والعربيه اللى مهاديكي بيها
تساقطت الدموع المتحجره اعلى وجنتها وهى تصرخ به بانفعال شديد : لو على العربيه أنا اتفقت معاه اسدد تمنها من راتبي وهاخد نص راتبي بس ورفضت امضى العقد لحد لم اسدد تمنها ، شكرا بجد يا عامر انك شايفني بفكر فى الفلوس وبس ، بس لعلمك أنا رفضت تيام النحاس واكيد سمعت عنه وهيكون عضو مجلس الشعب كمان وممكن يحتكر السوق الفتره الجايه كمان ومع ذلك رفضته
شعر بحزنها اقترب منها بحنو ليجذبها يضمها لصدره بحنان: حقك عليا والله ماقصدي ، أنا اللى مربيكي وعارف أن الفلوس اخر حاجه تفكري فيها بس من انفعالي وخوفي عليكي قولت كده
ابتعدت عنه وهى تضربه بقبضتها اعلى صدره عده ضربات متتاليه
– انت رخم وغلس كمان
أمسك بكفيها واراد ان يمزح معها : خلاص بقى مايبقاش قلبك اسود ، بس ماقولتليش على تيام ده قبل كده ، قوليلى بقى انتي بتوقعيهم ازاى فى حبك
لوت ثغرها بغضب ثم ابتعدت عنه وحدثته بغيظ : انت جاي ليه اه ، روح لبسبوستك
ضحك على طريقتها وهو يزفر انفاسه بهدوء : سيبك من بسنت دلوقتي مش هو ده موضوعنا ، هتعملي ايه مع نديم يا فيروز ؟ لاخر مره هقولك بلاش فكري ألف مره قبل ما تلاقي نفسك جنبه فى الكوشه ويكون نفسك تهربي لكن وقتها هيكون فات الاوان ..