– ليه بتفترض انكم هتتفرقو ، مش عشان نبيل طلب منك تفصل الحساب البنكي بينكم يبقي عايز يبعد عنك وينفصل ، هو نبيا بس شايف نفسه كبر وبقى مسؤل عن زوجه وبيت وحابب يكون مستقل بس ، أكيد دي وجهه نظره ، انت بقى سبله حريه التصرف وخليه ياخد مساحته ، بلاش تاخد الموضوع بحساسيه أكيد نبيل مايقصدش خالص يستقل بحياته بعيد عنكم .
نظر لزوجته بضيق : تفتكري ده بس اللى بيفكر فيه نبيل
– أعتقد ده بس هو حابب يكون مسئول عن حياته عشان بقى فى زوجه ملزومه منه ، ممكن ماتزعلش وماتفكرش فى الجانب السلبي ، فكر بالايجابي هو دلوقتي جنبك ومعاك فى نفس البيت ومن حقه يكون ليه خصوصيه وكمان تحسسه انه هو راجل ناضج مسىول ويعتمد عليه ، عشان يكون عنده ثقه فى نفسه لازم الاحتواء يكون منك
تنهد بارتياح بعدما أستمع لحديث زوجته وقرر احتواء شقيقه ليس البعد عنه وان يحقق كل متطلباته ويستمع لوجهه نظره دون ان يحكم عليه بنفسه ، فمهما كان فهو
الأخ والسند والعون بعد الله