كانت فيروز فى ذلك الوقت تجرى عده اتصالات خاصه بالعمل ، ليطرق باب المكتب وتدلف السكرتريه تخبرها بان شخص بالخارج يريد مقابلتها ويرفض الفصح عن هويته .
اومت لها براسها : تمام خلي يدخل ، لم نشوف مين وعاوز ايه بالظبط
خلال ثواني معدوده كان يقف امامها ويمد يده ليصافحها ويخبرها عن هويته
– تيّام النحاس
عندما التقت اعينهم ابتسم تيّام وهو يهمس : مجدي المغفل ما قليش ان مدير أعمال نديم الصيرفي زي القمر كده ، ومتاكد ان شوفتك قبل كده
رفعت مقلتيها تنظر له بغرابه ثم صافحته بهدوء وسحبت يدها على وجه السرعه بسبب تنظراته التى لم افهمها حتى الان .
لاحت ابتسامه جانبيه اعلى ثغره عندما أستمع لنبره صوتها القوي : وحضرتك جاي تقابلني عشان السبب ده
جلس امامها واضعا قدم على الأخرى وهو ينظر لها بثبات : أكيد مش ده السبب القوي اللى موجود عشانه ، أنا متفاجئ ان مدير أعمال نديم بنوته زى القمر زيك ، كنت متوقع أقابل راجل بصراحه ، دايما ابن الصيرفي بيبهرني .
تحدثت برزانه : تحب تشرب ايه ؟
– لا خلي الشرب ده ل بعدين لم نتفق
– نتفق على ايه؟
– أنا عارف ان الشركه والمصنع بينهارو وعشان كده انتى موجوده هنا تحاولي تنقذي ما يمكن انقاذه ، كنت متوقع أقابل نديم لكن واضح انه بيثق فيكي جدا لم سلمك أمور هنا
– بردو مافهمتش المطلوب
اخرج من جيب سترته شيك وضعه امامها : ده شيك على بياض ومتوقع كمان ، تضيفي فيه المبلغ اللى تحديديه تامني بيه مستقبلك ويعيشك ملكه باقي عمرك
لوت ثغرها بضجر : وايه المقابل ؟
– عاوز الشركه تعلن افلاسها والمصنع يتباع وساعاتها اشتريه وعمولتك محفوظه بردو ، مطلوب منك ماتدخليش أي مناقصه وتوهمي نديم انك دخلتي ومافيش ولا مناقصه كسبتها الشركه وبكده أكون حققت هدفي ووصلك اللى تستحقيه
تحدثت بسخريه : عاوزني أبيع ثقه مستر نديم واتفق مع حضرتك عليه بمقابل مادي
-مش بس كده انتى هتسيبي الشغل معاه وهتبقى معايا ومش هتندمي
ضحكت بسخريه: عرض مغري فعلا ، بس حضرتك ناسي حاجه بسيطه ، مش خايف مني بقى لم اخون ثقه مستر نديم عشانك هيجي يوم اللى اخونك أنت كمان عشان غيرك
هز راسه نافيا : اللى يشتغل معايا مايفكرش يتعامل مع غيري لان بكل بساطه بريح اللى بيشتغل لحسابي وخصوصا انتي هيكون ليكي مكانه خاصه عندي ، مش عارف ليه من اول لم شوفتك فى الطياره وأنا حاسس ان اعرفك وكمان شخصيتك عجباني بتتكلمي بقوه وثقه كده مالمستهاش فى حد