– ياواد يا جامد ههه ، على العموم ألف مبروك يا حبيبي وربنا يسعدك يارب وانتم السابقون ونحن الحقون، فيروز دي بنت جدعه وتستاهل كل خير
زفر بضيق : وانت عرفت انها جدعه منين
شعر زياد بغيره صديقه : انت هتغار على مراتك مني ولا ايه وبعدين يا حبيبي ماتنساش انك كنت بتتصل بيه كل دقيقه تطمن عليها وتقولي خلي بالك منها ولا نسيت ، وأنا عرفت انها جدعه ومابتتاخرش عن حد لم طلبت منها تساعدني فى اختيار عفش الشقه اللى كنت بفرشها عشان خلود
كانت تراقبه خلسه ، فقد شعرت به عندما ابتعد عنها ، كانت تستمع اليه يشاكس صديقه ويبتسم تاره ثم يضيق جبينه تاره أخرى ، الى ان وقعت عيناها على مقلتيه الزرقاء لتغوص فى بحور عينيه ، ليبتسم ثم انهى المكالمه سريعا مع صديقه ثم اقترب من زوجته ليجدها قد اغلقت عينيها ، ضحك بخفوف وهو يقترب منها يهمس بصوته الحاني:
– شوفتك على فكره وعارف انك صاحيه ، آسف ان صوتي ازعجك واقلق منامك
فتحت عيناها ثانيا لتجده يطبع قبله رقيقه اعلى جبينها: صباح الحب والسعاده على عيون فيروزتي
– صباح السعاده عليك يا قلبي
اعتدلت قليلا ونظرت له باسف : أنا اسفه ان بوظتلك اليله الرومانسيه بتاعت امبارح
جذبها لصدره وهو يمسح على خصلاتها بحنو : حبيبتي احنا حياتنا مع بعض وليالينا كلها هتكون رومانسيه والأهم من كل ده صحتك ياقلبي ، ماعنديش اغلى منك ولا يهمني أي حاجه فى الدنيا غيرك انتي وبس
ابعدها عن احضانه لينظر لها بتسأل : انتي عامله ايه دلوقتي ؟ احسن …!
هزت رأسها بالايجاب : الحمد لله احسن كتير