ابتسمت برقه : أنا ما بقدرش ازعل منك ، بس احترس من كلامك
انهت كلماتها بتهديد ليرفع ذراعيه باستسلام : امرك يا باشا
“”””””””””””””
داخل قصر النحاس ..
عاد من الخارج ثملا كعادته بالايام الأخيره ، منذ أن علم بخبر زواجها من غيره ، لم يتقبل الأمر ولم يسكت عنه …
عندما دلف لغرفته القى بسترته اعلى الاريكه ليتفاجئ بجلوس والدته تنتظر قدومه ، زفر بضيق وابعد انظاره عنها ليكمل نزع ملابسه دون اكتراث لوجودها .
وقفت دولت امامه كالاعصار وظلت تعنفه وتصرخ بوجهه لعله يفيق من حاله السُكر التي بها منذ يومان .
– انت هتفضل كده لحد امته ماتفوق لنفسك ولحياتك ولمنصبك ،مستني لم اسمك يبقي على كل لسان ولا صورك تنور الجرايد وتتفضح وتفضحنا معاك ، طول عمره جوده النحاس اسم الكل بيفتخر بيه وانت بغباءك هتضيع اسم ابوك وعيلتك ، كنت ماصدقت بعد طلاقك اتعدلت وبطلت سكر وسهر وبيات بره البيت وقولت أكيد رجع لعقله وندمان ان طلق مراته وبعد ابنه عنه وعشان كده كنت بحاول ارجعكم لبعض تاني ، بس واضح انك لا عمرك هتندم ولا هتتغير حتى لو بقيت وزير مش عضو مجلس الشعب ، حافظ على وجهتك قدام الناس طيب ، لو حد.شافك بحالتك دي لايمكن يديك صوته ، انت انسان مستهتر وعديم الأخلاق ، يا خساره تربيتي فيك ، كنت فكراك هتكون راجل تكمل مسيره ابوك لكن انت بتخسره وبتضيع اسمه وسمعته اللى الكل كان بيحلف بيهم .