ربتت على وجنتها برقه : ولا يهمك ياقلبي ، احنا اصلا حبينا جوزنا يكون مفاجأة ليكم لم ترجعو من شهر العسل
هتفت بحماس : دي احسن مفاجاه دي ولا ايه
طبعت قبله اعلى وجنتها ثم نظرت الى زوجها بشك :
– كنت عارف ومخبي عليا مش كده
ابتلع ريقه بتوتر وهز راسه نافيا : لا ماعرفش ، بس اتفاجئت بالخبر فى الجرايد وكنت فاكر انها مجرد اشاعات ، طرقعه كده مش اكتر
تنهد نديم بارتياح بسبب عوده شقيقه : لا يا حبيبي مش اشاعات ، بس بردو زى ماقالت فيروز حبينا نفاجئكم ومش بس كده ، ده عقاب ليك انك سافرت ونستنا خالص وقفلت موبايلك
لاحت ابتسامه جانبيه اعلى ثغره رغما عنه : مبروك يا حبيبي
– الله يبارك فيك ، دي آش آش هتفرح اوى لم تشوفكم
– بس أكيد نايمه ، الوقت متاخر ، الصبح ان شاء الله هصبح عليها وتتفاجئ بيه بقى
ربت على كتفه : ومالو يا حبيبي ، خد مراتك واطلع ارتاح أنتو راجعين من سفر وبكره لينا كلام كتير مع بعض
وقفت رِهام باعتراض : لا أنا مافيش نوم اصلا ، هاخد اختى ونقعد نرغي بقى براحتنا واعرف ازاى ده حصل بدون علمي ، لازم اوثق الحدث
ضحك نديم واقترب من زوجته جذبها اليه ونظر الى شقيقه : بقولك ايه يا نبيل ، انت تاخد مراتك ياحبيبي وأنا اخد مراتي ونطلع ننام وبكره بقى عندكم اليوم كله يا رهوم تتكلمو براحتكم وفى ادق التفاصيل كمان ، لكن الان كل واحد بيتك بيتك يا بابا