– الحمد لله ياقلبي ، يارب دايما بخير
تذكر حديث صديقه نظر لها وهو عاقد جبينه : طبعا سمعتني وأنا بكلم زياد
ابتلعت ريقها بتوتر وهى تؤمي براسها خجلا
رفع وجهها لتنظر له : بس ماقولتليش قبل كده انك خرجتي مع زياد واخترتي معاه عفش شقته هناك
– ده حقيقي ، هو طلب مني مساعدة وأنا مدام اقدر اقدمهاله ليه لا ، وبعدين أنا ماقولتش عشان ماجتش فرصه ولا انت سئالتني قبل كده
مسح برفق على وجنتها باطراف انامله : بس ده مايمنعش ان غيران عليكي بردو وكلام زياد لمس الغيره جوايا ، أنا واثق فيكي وفيه هو كمان وخصوصا ان كنت بفضل اتصل بيه واطلب منه يكون جنبك ويخلى باله منك ، بس اول لم قالي جدعه واختارت معايا عفش شقتي الغيره بقى هى اللى اتحركت فى الوقت ده
– أنا اختارت معاه ومع خطيبته كمان العفش وطلب منه يفتح فيديو كول بينا واتعرفت عليها ، عشان كان حقها هى كمان تختار كل حاجه خاصه ببتها ، وأنا كنت مجرد بساعدها فى الاختيار عشان كانت متردده وبعدين أنا مدخلتش شقته يعني عشان تضايق
ضحك بقوه وهو ينظر لعينيها الغاضبه : يا قلبي أنا ماقولتش انك دخلتي شقته ، أنا بقولك ان مجرد راجل تاني يشكرلي فى مراتي ده فى حد ذاته مرفوض بالنسبالي ، حتى لو كان صديقي ، ده من غيرتي عليكي يا فيروزه قلبي ونور حياتي
جذبها لتنهض من اعلى الفراش : ادخلي خدي شاور عشان تفوقي كده ياقلبي وتستوعبي ان جوزك راجل غيور جدا
لم تنكر انها الان تشعر بالسعاده بسبب غيرته ووقفت امام دولابها تنتقي ثيابها بحيره ، لا تريد أن ترتدي ملابس تظهر شي من جسدها ،فلم يعد المنزل خالي بعد عوده شقيق زوجها