انتبهت فيروز لعيناه التى تحتضنها بحب لتشعر بالخجل ثم قربت منه المعلقه التى وضعت بها الآيس كريم تقربها من فاه : تدوق
لم يرفض يديها والتهمها من يدها وهو يتذوق طعمها ثم نظر لها بتسأل
– بتحبيه اوى كده
ضحكت برقه : زي الشوكولاته بالظبط نفس المعزه
ليضحك هو الاخر ثم همس بصوت حاني : بمناسبه الشوكولاته عندي ليكي مفاجاه بس لسه بتجهز ، كام يوم كده وافجاءك بيها ومتاكد انها هتعجبك جدا
تسالت بغضول : مفاجاه ايه ؟
هز راسه نافيا : لا ماتحاوليش تستغلي حبك ،كل شيء فى وقته حلو …
“””””””””
فى المساء كان الجو متوترا بينهم ولاحظ نديم ذلك وأراد ان يتحدث مع شقيقه ولكن قبل ان يختلى بشقيقه وجدت جدته تهم بمغادره المجلس
– أقوم انام أنا بقى يا حبايبي وانتم تسهرو براحتكم ، تصبحو على خير
اجابها الجميع بحب : وحضرتك من أهل الخير ..
نظرت رهام لشقيقتها ورفعت احدى حاجبيها وهى تفكر بشيء تريد فعله لتلقين زوجها درسا لن ينساه وعندما اتتها الفكره قررت التنفيذ .
– ايه رايكم نلعب لعبه التحدي
كانت فيروز تعلم بتلك اللعبه فقد فعلوها كثيرا من قبل ولكن تحدث نديم بتسأل : وايه هي لعبه التحدي
رهام بجديه : احنا كابلز ، كل كابلز هيكون فريق وهنسال بعض أسئله ونشوف مين يعرف التاني اكتر .
نديم باعجاب : حلوه اللعبه دي نلعب
نبيل يحاول الوصول لعقل زوجته التى مازالت غاضبه منه ولكن كانت غامضه امامه لذلك قرر مسايرتها فيما هى تنوي فعله : تمام نلعب
بدءت رهام فى طرح الاسئله على فيروز ونديم أولا :
– هسال أنا اول سؤال مين يعرف التاني اكتر ؟ نديم ايه اكتر اكله بتحبها روزه ؟ ونفس السؤال فيروز تجاوبه ؟.
تحدث نديم وهو ينظر لزوجته : فيروزتي بتحب ورق العنب
ابتسمت فيروز وهى تؤمي براسها بالايجاب : فعلا
رهام بتسأل لشقيقتها : طيب والاكله اللى نديم بيحبها ايه ؟
– مكرونه بشامل
هز راسه بضيق
– يبقى سمك عشان كنت عايز نروح اسكندريه مخصوص عشان اكله سمك
ضحك بخفه : هو بعينه السمك بحبه بكل تكاته
نظر نديم لشقيقه : الدور عليكم بقى جاوبو وبصدق
نبيل بهدوء : اكتر اكله رهومتي بتحبها هى البيتزا
لاحت ابتسامتها : صح بيتزا , نبيل بيحب المعكرونه البشامل والاستيك المشوي
نبيل وهو ينظر إليها بحب : مظبوط