بحث بعيناه عن مكان وجودهم تقدم بخطواته اليهم .
محتاجين مني حاجه عشان مضطر اخرج ساعه فى ميتنج مهم بره الشركه ومش هتاخر ، جهزى نفسك لم ارجع هنخرج وانت يا رهام شوفي هتغيرو رايكم وتيجو معانا ولا ايه
ابتسمت بهدوء : لا خليها مره تانيه بقى
تقدمت منه ونظرت له بجديه : تحب اجي معاك الميتنح
وضع كفيه على ذراعيها : لا يا قلبي مافيش داعي ، هخلص بسرعه واجي القاكي جاهزه اوكيه
– اوكيه
طبع قبله رقيقه اعلى رأسها ثم اقترب يقبل كف جدته : ادعيلي يا امي ، اتوفق فى المشوار ده
ابتسمت له ومسدت على خصلات شعره بحنان : ربنا معاك يا حبيبي ويوفقك ويجعل لك فى كل خطوه باب رزق مفتوح مايتقفلش ابدا يارب
امنت فيروز ورهام على دعاء الجده وغادر نديم الفيلا مستقل بسيارته يقودها الى حيث وجهته …
“”””””
كان داخل مكتبه باحدي مصانعه وهو يضع يديه اعلى جبينه من اجل الصداع الذي يشعر به ، ليدق باب مكتبه ويدلف منه مدير اعماله
وقف مجدي بتوتر : فى خبر لازم حضرتك تعرفه
دون ان يرفع عيناه : انطق من غير مقدمات
– احم بصراحه عز المحمدي عارض مصنعه للبيع ناوي يصفي املاكه ويسافر لندن عند ابنه
– ها اخلص وبعدين ايه اللى عاوز تقوله ، مالي أنا بعز المحمدي وحياته الخاصه
– ماهو نديم الصيرفي اللى اتفق معاه وناوي يشتري مصنعه وكمان بلغني ان هيمضو العقد انهارده
رفع عيناه لينظر له بغموض وبعد عده ثواني تحدث بصوت متعب : ومالو يشتري ، أنا قررت ألعب معاه بتفكيره هو مش بتفكيري انا والأيام الجايه هتشهد بكده مين الاحق والاصلح فى البيزنس ده ولسه الحساب جاي ، في بينا تصفيه حساب قديم وجديد وأنا بقى متنازل عن القديم لكن الجديد لا بعمري كله ، وحياة ابني ماهعدي عملته دي بالساهل وبكره تشوف يا نديم أنا هعمل ايه ….
“”””””””‘
جلس نديم بشركه المحمدي بعدما اتفق الأخير على السعر المناسب لبيع مصنعه ووافق نديم على المبلغ المحدد وتم امضاذ عقد البيع بحضور المحامي الخاص بشركة نديم وتم دفع المبلغ كاملا ثم صافحه نديم وغادر الشركه وترك المحامي خاصته يكمل اجراءاته وبعد ذلك عاد الى الفيلا ثانيا وجد فيروز مازالت جالسه بجانب شقيقتها وجدته …
وقف خلفهم بهدوء : اتاخرت عليكم
هز رأسها نافيا : لا خالص ، احنا محسناش بالوقت مع تيته
ابتسمت الجده وربتت على كفها : طيب قومي يا قلبي مع جوزك بقى شوفي وراكم ايه يلا
نظر نديم لشقيقه زوجته : وانتي يا رهوم ماغيرتيش رايك بردو وفين نبيل
تنهدت بضيق: نبيل شكله مرهق بجد ومعلش وقت تاني ان شاء نتفق نخرج كلنا