نظرت لزوجها برجاء بعدما غادر عامر من باب الفيلا : ممكن أوصل عامر ، بليز
هز راسه وهو يبتسم لها بخفه : أكيد
ركضت على الفور تلحق به ، كان يسير بالحديقة ، توقف فجأة عندما أستمع لمنادتها باسمه .
“”””””””
عامر …
التفت لصاحبه الصوت بابتسامته الهادئه : خير يا بنتي جايا ورايا ليه ؟
قضمت شفتيها بضيق : يعني مش عايز تطمن عليه ؟
هز راسه نافيا وهو يحتضن كتفيها بين كفيه وينظر لعيناها التى تلمع بفرحه وسعاده : مش محتاج بجد يا فيروز اطمن عليكي عشان شايف الحب الصادق فى عيونك واكتر واحد فى الدنيا اقدر احس بيكي واشوف اللى جواكي من غير حتى لم تنطقي ، نديم كمان انسان كويس ومافيش منه ربنا يسعدكم يا حبيبتي وعلى فكره مش قلقان خالص من وجود نبيل
همست بحزن : بس أنا قلقانه ، نظراته ليه غريبه اوى مش قادره افهمها ، تفتكر ممكن يقول حاجه لنديم ؟
– مااعتقدش عنده الجراءه ان يحكي لاخوه حاجه زي كده ، مش عايزك تقلقي ولا تخافي من حاجه ، انتي ماعملتيش حاجه غلط ، ولو اللى اسمه نبيل ده اتعرضلك ولا ضايقك بالكلام او صدر منه أي تصرف أنا معاكي وفى ضهرك ، كلميني وأنا أتعامل معاه
قبل جبيبنها بحنان : خلي بالك من نفسك ، هستناكي يا قلبي
– أكيد هتلاقيني فى وشك اول لم تصحى من النوم ، ألف مبروك وربنا يتمم لك بخير