شعر نبيل بالضيق وأراد ان ينهي تلك اللعبه :
– دوري أنا بقى اللى أسأل ، ليك يا نديم .
– اكتر ميزه شوفتها فى فيروز وحبتها بسبب الميزه دي وكمان العيب اللى فيها ونفسك تغيره ؟
اطلق تنهيدته بهدوء ثم نظر إليها بعينان تبوح لها بالحب والعشق : بحب فيها كل حاجه وشايف فيها مميزات كتير مش ميزه واحده بس وبحبها بكل تفاصيلها بس لو هنتكلم عن العيب اللى موجود ونفسي اغيره فهيكون الكتمان ، بحسها بتكتم جواها كتير وساعات الكتمان ده يوصلها لدرجه الانهيار ، نفسي تبطل ده وتشاركني كل اللى هى حساه ومش هيكون ضعف منها ولا حاجه ولو الجانب ده ظهر ليا ، عشان احنا ببساطه واحد ولازم كل طرف فينا يشارك كل وجعه وحزنه للطرف التاني عشان احنا فى الاول والآخر بنكمل بعض .
زفرت انفاسها بصعوبه وكانها تحمل جبلا ثقيلا اعلى صدرها لتستمع لصوت شقيقتها بعد لحظات
– فيروز دورك تقولي الميزه والعيب اللى عند نديم ؟
نظر لها بلهفه يريد الاستمتاع لحديثها
ابتلعت ريقها بصوت مسموع ونظرت له بحب صادق : نديم في كل المميزات اللى حبتها فيه هو راجل ، شهم وجدع وقلبه حنين ، ده غير ان هو وسيم جدا وعيونه زرقه وبحبها اوي هههه
ضحكت رهام ونديم معا ولكن مازال نبيل متجمدا مكانه يستمع فقط ببرود