رواية تزوجت صعيدي الفصل العشرين 20 بقلم اميرة جمال – للقراءة المباشرة والتحميل pdf
ملك فتحت عيونها ودموعها نزلت وقالت بحبك ياادم بس لازم تتعاقب على شكك فيا ومش هتعدى كده عادى وحسام الحيوان ده مش هسكتله ولا اخاف منه بعد كده خلاص آدم معايا وابتسمت وغمضت عيونها واستسلمت للنوم
نور انا هفضل هنا معاها
سليم ماينفعش يانور نسيبك هنا
آدم برجاء لو سمحتى يانور روحى انتى انا هفضل معاها مش هسيبها
سليم يلا يا نور نروح والصبح بدرى هنكون عندها
نور باستسلام حاضر وروحت هى وسليم
آدم اتنهد ودخل عند ملك قعد على الكرسي وراح فى النوم
نور وسليم وصلوا البيت وبلغوا الكل باللى حصل
خبط على باب أوضة نور
نور من ورا الباب نعم
حسام بعد إذنك يا نور عايز اسألك على ملك ضروري
نور هى كويسه الحمد لله
حسام ممكن تفتحى ثوانى
نور معلش ياحسام الوقت اتاخر
حسام موضوع مهم فعلا ماينفعش يتاجل
نور طيب ثوانى ولبست الاسدال وفتحت الباب وطلعت لبره
حسام ممكن نقعد نتكلم
نور قولتلك الوقت اتاخر ايه الموضوع الضرورى
حسام انا معجب بيكى يانور
حسام بتعجب من ثباتها
نور هااا عايز ايه يعنى
حسام بجرأة نتعرف على بعض اكتر
حسام ايه يانور محتاج أقرب منك
نور بس انا مش بصاحب
حسام عايز نتعرف اكتر علشان اخد خطوة
نور الواضح انك ماسمعتنيش كويس انا مش بصاحب وعن إذنك لان كده غلط ودخلت وقفلت الباب