رواية تزوجت صعيدي الفصل العاشر 10 بقلم اميرة جمال – للقراءة المباشرة والتحميل pdf
قدرية بصت لآدم باشمئزاز الله أكبر ياولدى
الجد والجدة ابتسموا لأنهم عارفين ان قدرية نيتها دايما مش حلوة وجواها كره كبير بسبب اللى حصل زمان ومش بتحبلهم الخير وعلشان كده آدم مش بيحبها وبيشوفها كتلة كرة وشر ماشية على الأرض ومسميها الحرباية لانها بتغير من تعاملها وماحدش عارف نيتها كويس
الجد لقدرية:الحمد لله بجيتى زينة مش ترحبى بالضيوف عاد
قدرية بتأكيد:بعد الفطور هطلع اسلم عليهم
الجد تمام انا خلصت فطورى كملوا وكلكم وابقى حصلنى ياسليم على المكتب علشان عايزك فى شغل وانت ياادم تطلع على المصنع تسلم الطلبيه بنفسك
سليم وادم هزوا رأسهم دليل الموافقة
خبط على الباب سمحت ملك بالدخول
قدرية دخلت ووقفت مصدومة من شكل نور دى فعلا هى
نور وملك بيبصوا لبعض باستفهام مين اللى دخلت دى وماتكلمتش ولا كلمة وبتبص لنور بصدمة
نور حمحمت باحراج موجهة كلامها لقدرية اهلا ياطنط اتفضلى
قدرية فاقت على صوت نور واتحركت ناحيتها وحاولت تبتسم بتكلف انتى كويسه ياحبيبتى
نور بابتسامه اه الحمد لله
قدرية بتوضيح انا قدرية مرات محمد كبير البيت ده بعد الجد طبعا
نور باستغراب اهلا وسهلا بيكى نورتى
قدرية بنورك ياحبيبتى
نور موجهة كلامها لملك ساعدينى ياملك عايزه ادخل الحمام