رواية تزوجت صعيدي الفصل السابع عشر 17 بقلم اميرة جمال – للقراءة المباشرة والتحميل pdf
زينب سكتت وماردتش على نور
نور ماما ارجوكى ردي عليا
زينب بدموع حاولنا نخبى عليكى علشان مانجرحكيش يابنتى
نور يعنى ايه انا بنت مين
زينب الله اعلم يابنتى احنا لاقيناكى وانتى صغيرة وتايهة وسمناكى نور على اسم اللى مكتوب فى السلسلة
نور بدموع احكيلى يا ماما
انا هنزل أجيب عصير من السوبر ماركت محتاجة حاجة
زينب بنفي لا مياه بس
أحمد نزل من العربية وزينب نزلت تستناه قدام العربية وشافت بنت جميلة جدا بتعيط جنب السوبر ماركت
زينب اتحركت ناحيتها مالك ياحبيبتى
البنت بشهقة بابا وماما مشواوسابونى
زينب وهى تمسحلها دموعها حد يسيب القمر ده برضو
زينب تحبى تيجى معايا
البنت بابا وماما هيزعلوا هم قالولى هاتى عصير وكانوا هناك بعيد بس مش شيفاهم
زينب شافت تجمع من الناس
أحمد خرج شاف بنت جميلة وصغيرة وزينب ماسكه ايدها
أحمد باستفهام مين؟؟
زينب ركبت الطفلة العربية واتكلمت مع أحمد بره العربية
دى بنت بتعيط وبتقول باباها وماماتها كانوا مستنينها هناك وشاورت بايدها مكان التجمع
أحمد طلب منها تركب العربية وهو هيروح يعرف التفاصيل وصل عند التجمع وعرف ان فيه عربيه ولعت وكل اللى فيها ماتوا ومش معاهم اثبات شخصية أحمد رجع لزينب
أحمد بتأكيد كده المفروض نسلمها للبوليس