رواية تزوجت صعيدي الفصل الثالث 3 بقلم اميرة جمال – للقراءة المباشرة والتحميل pdf
سليم ونور فى صوت واحد وانت مالك
آدم بصدمة يعنى لما تتفقوا على حاجه يكون عليا انا الواحد غلطان يلا اياكش تولعوا فى بعض
سليم ونور اهو انت
آدم ده انتوا مجانين
نور يلا هات شهادتي
سليم بغرور تؤتؤ اسف مشغول ومش هقدر اخلص كل الشهادات النهارده لما انزل تانى يبقا تعالى خديها
مابحبش اتكلم عن نفسي كتير
نور دبدبت فى الأرض بغيظ وخرجت من مكتبه وهى بتخبط الباب وراها
آدم بعد خروج نور ليه كده ياسليم كنت سلمتها شهادتها
لا لازم اربيها واخد حقى منها ورجع يمضى باقى الشهادات كلها
يانهار ابيض غضب ربنا على وشك كده ليه
ماتكلمنيش دلوقتى خالص
طيب اهدى احكيلى ايه اللى حصل
بدأت نور تحكى لملك اللى حصل مع سليم
يانور قولتلك اعتذريله مش ادخلى فيه شمال
لا طبعا انا اعتذر للبنى اءدم ده لايمكن ابدا
كده هتاخدى شهادتك متأخر
لو مااخدتهاش خالص برضو مش هعتذر
مافيش فايده فى عندك هتفضلى دايما دماغك ناشفه
ايووه ومش هسكتله
طيب استنى شويه ادخله واعتذرله بالنيابه عنك وأجيب شهادتك
اوعى تعملى كده
يانور بقا خلينا نخلص
لا خليله الشهادة يفرح بيها
هتعملى ايه دلوقتي طيب
هطلع على الشركة علشان الإجتماع واتابع الشغل
طيب انا هستلم شهادتى واحصلك
***********أميرة جمال
**********
**********وصلت لنور لشركة الالفى أكبر شركة للمقاولات الكل وقف ليها وبيعاملوها باحترام دخلت مكتبها والاصح مكتب والدها وقعدت على الكرسي بعد لحظات استأذنت السكرتيرة للدخول