ولله لو ما مزوج ياقائد انت احسن زوج بلدنيا
بس مزوج وكلمن ياخذ نصيبه
رواية تبديل عريس الفصل السابع عشر 17 بقلم جمانه السعيدي – للقراءة المباشرة والتحميل pdf
اليوم الي بعده قائد وصلني للجامعه
بس صعدت انطاني باقة ورد بيضه
سلسبيل…شكرا بعد لا اجيب ورد
قائد…حتى الورد ممنوع
سلسبيل….كلشي ممنوع
من رجعت بيومها اريد بس انام تمددت شويه راسا اجتني حكه بضهري
بعدين بشعري بعدين برجايه اني لابسه ثوب
نوم قصير اباوع جسمي صار احمر
كمت على حيلي واحك ياربي شنو هاي حساسيه
اني ماعندي حساسيه
والفرشه البارحه فرشتها
ماكدرت اتحمل كبل دخلت للحمام غسلت جسمي بمي بارد
طلعت بعدني احك
تخبلت يااا شصاير ليس هيج احك
حتى وجهي صار احمر طلعت التليفون اتصلت على بابا
كال اني طالع للحله عندي شغله
شلون ياربي دخلت للحمام مره ثانيه
غسلت وطلعت بعدني احك
اتصلت على قائد
قائد…هلو حبي شعجب اتصلتي
سلسبيل .الحكني مااعرف شبيه جسمي يحكني صار احمر
قائد…اي اجيت
افتحي الباب الخارجي
فتحت الباب شويه واجا الضاهر جان بيت عمي
لكاني صايره طماطه
امشي واحك برجليه
قائد…شبيج صايره حمره
سلسبيل…مااعرف شبيه راح اموت من الحكه
قائد.. بدلي وتعاي نروح للمستشفى