سلسبيل…طبعا اني مااكدر اطلب من عزام نختلي ونحجي
سوه لان ماكو شي رسمي بينا بعدنا ماعاقدين
وبيت عمي مابي خصوصيه ناس طالعه ناس داخله
اني ارجع الساعه ٣ للبيت
عزام يوصل قبلي يتغده وينام
مرات مااشوفه على العشه اني بليل ابقى اقرا
لان بس اليل عندي مجال للقرايه
تصرفاته…جدا طبيعبه اكيد مضغوط هليام من الشغل
صاير طويل حيل لونه اسود كحل
بس عدلت اطرافه امي تتخبل قبل اذا اكول اكص شعري
تكول اذا كصيتي ازعل عليج
غيرت موديل حواجبي طلع شكلي شويه بين وجهي
ذبيت الاسود رجعت للبيت
لبست تراك سمائي واسود طلع شكلي غير
فتحت شعري حتى تشوفه خالتي
خالتي…ليش ما صبغتي ميشتي
سلسبيل….لا ماأحب الصبغ والميش يخربن الشعر
الشعر يتكطع ويصير مطاط بلصبغ خلي هيج احلى
دخل علينا عزام اني راسا سحبت الشال
خالتي…ليش خلي يشوف حلاله