وقبلتي بهذا ليش لازم عندج شي
حتلو اني ماعندي شي
اذا رفضت لازم اطلع من بيتهم وارجع اعيش ويا سميه
خوما رافضه ابنهم وكاعده عدهم
مستحيل اكدر اعيش ويا سميه بيت واحد راح اتسود عيشتي
البغداد بعد مااكدر ارجع مستحيل حتى جامعتي انقلت منها
اقبل بعزام عزام خوش ولد ومرح وصاحب نكته
اكيد بعد الزواج راح اتعود علي واحبه
ليش مااحبه ماناقصه شي اذا ازوجت راح ابقى بين اهلي وناسي وابقى قريبه على بابا
ليش بقا ساكت اكثر من سنه
ايجوز لو اعرف من زمان جان قربنا المسافات بيتا
اني وعزام اني مااكرها بس ماعندي مشاعر اتجاها
يمكن تتغير مشاعري ورا الزواج
اكيد بلعشره تتغير المشاعر
ويرجعني الضهر بس اني مااعرف اقرر
اني ماشايفه عزام ابد
يمكن مشغول بترتيب البيت علمود العرس
بس اني محتاجه احجي ويااا افهم مشاعره
عنده مشاعر اتجاهي لو هذا الزواج اختيار الاهل وهو
وافق علي اني صار سنه ونص عدهم ابد ماحسيت عنده مشاعر اتجاهي