لان هذا الاتفاق بيني وبين اخوي واني صدقا ماانطيت موافقتي لان جنتي حزينه
سلسبيل…شلون عرفو
بابا….اني بلنسبه اليه مااعرف واني من رائي توافقين
لان عزام خوش ولد وما يتعيب ابد
مراح يجي واحد احسن منه مستحيل
سلسبيل…ماادري احس خليتني كدام الأمر الواقع
بابا…فكري زين ذوله اهلج ومراح تلكين احسن منهم
وعزام خوش ولد
بابا…اخذي راحتج ماعندي مانع بس عمج منتظر ألموافقه
لان بيت عزام كمل بس منتظر العروسه
اني اروح وانتظر ردج
كعدت على الجربايه
اولا اني تفاجئت احس الماي يجري من جوه رجليه ومااعرف
بلنسبه العزام مابي شي يتعب شاب ماناقصه شي
وبيت عمي زينين وراح اكون قريبه من بابا
صار اكثر من سنه عايشه بيته واتعامل معاملة الملوك
هو وعائلته شايلني شيل
من جهه ثانيه بيت عمي اذا رفضتهم مستحيل يقبلون ازوج واحد غريب
ايأاا كان مستحيل يقبلون راح يكولون رفضتي عزام