باجر اخذج وياي
خالي…وين تاخذه مابقالي بلدنيا شي غيرها
هيه الي بقت من ريحة اهلي
جمانه السعيدي
بابا….مااكدر اعوفها لازم اخذها وياي حتى الدوام
صار الكتروني لازم اخذها مااكدر اعوفها هنا
رواية تبديل عريس الفصل الحادي عشر 11 بقلم جمانه السعيدي – للقراءة المباشرة والتحميل pdf
اركان…واني شلون بيه شلون راح افاركهن كلهن
شلون اتحمل
بابا.. الله يصبرك بس تتحسن الأوضاع اجيبها
تشوفك اذا رجع الدوام وعدت الأمور على خير
اجيبها تبقى يمك تكمل جامعتها
سلسبيل….اني اريد ابقى هنا
بابا…تعالي وياي واذا ما عجبج الوضع ارجع اجيبج
تسكنين يم خالج
اريدج تتعرفين على اهلج كافي صار عمرج عشرين
وانتي ما تعرفين اي احد من اهلج
يله اخذج للبيت تحضرين نفسج وحتى اقفل البيت زين واطمن علي
سلسبيل…رجعت للبيت اول ما دخلت شميت ريحة امي
ردت اصيح ماما وينج اني رجعت هلمره اني وبابا
رجعنا للبيت
بس انتي ماكوووو
دخلت الغرفتها كلشي مالكيت بس عطرها موجود
بلغرفه تمددت حضنت مخدتها وشميتها حيل
بدن دموعي ينزلن شويه شويه على المخده
واني اذكر ايامنا الحلوه
عشرين سنه واني وياها ابد ما متفاركين
شلون كدر الزمان يفركنا عن بعض
هلمره مو اي فراك فراك الموت يعني بعد ماكو اي رجعه
شكد بجيت المخده تبللت
بعدين غفيت واني خاله خدي على دموعي