بلكوه نعير
لمن نوصل للسيطره الثانيه نفس الشي
رواية تبديل عريس الفصل الحادي عشر 11 بقلم جمانه السعيدي – للقراءة المباشرة والتحميل pdf
شكد عنيده سميره حتى وهي ميته عنيده وما تقبل تندفن
جان عاندتي الموت وبقيتي ويانا
لو عنادج بس علينا ماكدرتي للموت
بعد المهمه الاصعب شلون نوصلها للنجف ندفنها
والطريق بين المحافظات مسدود
بابا اتواصل وياا عمي وعمي اتواصل ياا زوير الصحه
الوزير كال من توصلون للسيطرة خارج بغداد اتصلو عليه
اني اخلي الضابط هناك ينطيكم كتاب خاص
تعبرون بي
خالي كاعد بلسياره ودموعه تجري شكد بجه على امي
دموعه ما نشفت ابد
وصلنا للسيطره وبابا نزل حجا ويا الضابط اتصل على الوزير حجا ويااا
الضابط اخذ بابا للمكتب الخاص بلسيطره انطا كتاب خاص وعلي ختم
من بعدها اي سيطره نوكف بيها بس يشوفون الكتاب
يخلونا نطلع
وصلنا للمغيسل وهنا اني طلعت من صمتي من شفت
شلون امي جاي يغسلونها
جسمها نحيل كلش نحيل ووجلدها اصفر
امي الحلوه تغيرت بسبب الممرض
كمت اعيط اعيط فقدت الوعي الكل يريد يسيطر عليه
بس مااكدر اسكت
هاي مو امي هاي روحي راح يدفونها
معقوله هاي امي عافتني بكل سهوله
انشحط بلعومي هلكد ما عيط كمت اتقيى
حسيت مصاريني راح تطلع من حلكي