سلسبيل….تحكم على الاشياء من تجربتها السابقه
بابا …شلون يعني
سلسبيل…ولد هنا يداوم وياي معجب بيه
ولد محترم وابن عائله
بس فتحت وياها هذا الموضوع
راسا كبت عليه ماتزوجين قبل التخرج وماتزوجين من المحافظات
امج قبل شحصلت من زواجها اله انتي
بابا…امج هلمره عدها حق
اني ابوج واكول مااريد اي علاقه قبل التخرج
بعدين عيب شنو علاقه
انتي جايه هنا تدرسين لو تسوين علاقه
اني مااقبل اول تخرجي وبعدين نحجي بهذا الموضوع
بابا…ولله لويسمع عمج جان ذبحنا اني وياج
بابا مايصير شنو علاقه شنو هلحجي عيب هذا الكلام
مايصير
سلسبيل…ليش عيب مو ذبحت نفسك على امي
متخرجين وموظفين يعني كبار ونفتهم
بس انتي بعدج زغيره والعمر كدامج
سلسبيل…قابل اني كلت راح ازوج هسه
اني بس ردت امي يكون عدها علم بهاي العلاقه
مااريد افوت بعلاقه بدون علمها
بابا…اني اضم صوتي الصوت امج اني هم مااقبل
ممكن تكطعين علاقتج بهذا الولد
وممنوع تحجين وياا منا للتخرج
راح ينتظرج
صدكي راح ينتظرج ويحارب علمودج
انتي اذا بنتي خلي بهذا الاختبار كولي اهلي منعو عليه التواصل وياك اذا تريدني انتظرني