كارما بضحك-قلبك ابيض.
فهد ابتسم -خلي بالك من نفسك..
كارما -وانت كمان ياكبير عايزه اسمع خبرر كويس.
فهد -قريب جدا ان شاء الله.
كارما جت تمشي رجعت تاني …
كارما -فهد!؟
فهد -نعم؟
كارما-معرفش ليه رهف دي صعبت عليا شكلها صغير كده وعنيها متجمع فيها دموع ومحمره قلبي حاسس انها مش معاهم معرفش ليه.
فهد بجديه-كلها تمثيل يا كارما انا سمعتها مع ابوها بودني …عارفه لو كنت متاكد خمسه % بس انها مش معاه انا اللي كنت هشيلها من الارض بس بتخلف ظني فيها وبتثبتلي انها عكس كده …روحي انتي دلوقتي.
كارما بتنهيده-ماشي يافهد بس مهما يكون اوعي تمد ايدك عليها؟
فهد-اكيد اتجننتي تعرفي كده عن فهد .
كارما ببتسامه -لاء.
*******
شريف كان راجع في العربيه هو ومها جاتلو مسدج..
مها -مين؟
شريف-دي لين بتقولي هيا خارجه من المحاضره اروح اخدها اروحها.
مها بستغراب-اشمعنا لين عمرها ما قالت كده..
شريف -مش عارفه تعالي ناخدها فسكتنا.
مها -ماشي ياحبيبي…
–
زينه ماسكه ايد لين-ايه يابت انتي متلجه كده لي.
لين بهمس-انتي مش شايفه نظارته طول المحاضره …
زينه-طب اهدي المحاضره خلصت اهي يلا بينا نمشي ومتبصلوش.
لين -ماشي يلا بينا.
فادي -راحين فين؟
زينه بضيق-هنروح اتاخرنا وبعدين حضرتك طولت في المحاضره اوي المفروض كنا نمشي الساعه 4 دلوقتي الساعه 6 وشويه.