ادم نفخ بضيقه:- قولت انى مش بحبها مضيق لانها ام بنتي مش اكتر افهمي بقا
ادم رما المفاتيح و راح اوضتهم جميلة قعدت على الركنة حطت وشها بين ايديها و بقت بتعيط مش عارفه تعمل اي تروح فين .. تكمل مع ادم ولا تسيبه طب لو سبته هتروح فين اما في الفيلا
حنين قعدة على السرير ضمة رجليها عيونها حمراء من العياط وشها شاحب بعدت وشها على رجليها بصت لفوق بوجع قالت بمرارة:- ياااااه لدرجة دى انتى مغفلة و غبية يا حنين سنين عايش معاكي و متعرفيش نيته و انه عمره ما حبك ولا فكر فيكي حتى… بعد كل دا يتجوز عليا انا كنت خدامة تحت رجليه همى بس انه يكون بخير و ان اشوفه احسن واحد في الدنيا ست سنين ضاعوا من عمري على الفاضي
قامت وقفت قدام المرايا بصت لنفسها بتقييم بتلعب فى شعرها:- شكلي مش بشع ولا فيا حاجة تخليه يتجوز عليا.. كلهم خداعوكي يا حنين ضحكوا عليكى يا غبية حسبى الله ونعم الوكيل فيك يا ادم مش مسامحك ولا عمري هسامحك
دخلت التواليت اتوضت خرجت فردت سجادة الصلاة و بقت بتصلي و خرجت كل وجعها و حزنها الى كتمهم في قلبها
رفعت ايديها و دموعها نزلت بوجع:- ا انا انكسر قلبي يارب حااا كسروا قلبي انا انكسرت من اكتر حد حبيته اختارته بين الدنيا كلها.. بقيته على نفسي خوفت عليه اكتر من نفسي ا انا كان نفسي يحبني زى ما حبيته حااا طالع مش بيحبني اصلا انا بقيت بالنسبة له وسيلة يارب انا مش قادرة اسامحه ولا قادرة اكره أو ادعى عليه يارب فوت امري اليك يارب وكلتك امري