التفت لها بعصبية وقال:”إيه اللي جابك هنا يا وعد؟”
رواية بين الحب والانتقام الفصل الرابع 4 بقلم نور محمد – للقراءة المباشرة والتحميل pdf
ردت بجرأة:”جيت عشان أشوفك.”
قربت منه خطوة، ونبرتها بقت مليانة أنوثة، ببرائه قالت
“عايزاك في موضوع… بينا.”
رفع حاجبه بخبث قال:”موضوع… بينا؟!”
أومأت له إيجابًا.أشار لها تدخل جوه، وقعد هو على الكنبة قدامها وقال:
“قولي… إيه الموضوع؟”
تنهدت وعد وقالت:”بابا مضايق مني… وكمان العيلة كلها.”
سألها علي “ليه؟”
قالت:”عشان حازم عرف إني مش متقبلاه.”
قالت:”آه… لسه النهارده رفضته. بس بابا مضايق… بيقول إنه مفيهوش غلطة حسب كلامه.”
بصّ لها علي قليلًا وقال : “طب… وانتي رفضتيه ليه يا وعد؟”
تنهدت وقالت بصدق: “مش بحبه.”
مال برأسه ناحيتها وسألها بجدية:
“في حد في حياتك؟ صارحيني.”
سكتت للحظة، ثم نفت برأسها بسرعة: “مفيش… بس أنا مش شايفة حازم.”
رفع حاجبه باستغراب: “مش شايفاه إزاي يعني؟”
قالت بخجل وهي بتلعب في صوابعها: “هو حلو وكل حاجة… بس المشاعر أهم من شكله. أنا بحسه زي أخ… مش قادره أشوفه راجل أو أتخيل نفسي معاه.”
سكت علي وهو بيتأملها، وعقله بيرجع يفتكر كلامها.
ظرت له وعد بعمق، وعينيها غاصت في عينيه لوهلة، قبل ما تنزلها بخجل وقالت مترددة:
“أنا كده عملت غلط؟”