لكن أول ما يكون في حد تاني… يبقى مش بيت، يبقى شارع.
وساعتها… مفيش غلطة بتعدي.”
رواية بين الحب والانتقام الفصل الثامن 8 بقلم نور محمد – للقراءة المباشرة والتحميل pdf
سكت لحظة، عينه ما زالت مغروسة في عينيها المرتبكة. بعدها أفلتها فجأة، خطا خطوة لورا وقال :
“كده فهمتي؟”
ما قدرتش ترد، قال على”دلوقتي… أنا همشي.”
فتح الباب وخرج، وسابها واقفة مكانها، عيونها بتطارد طيفه اللي مازال عالق في الأوضة… وفي قلبها.
—-
كان مالك خارج من فيلا الضخمة، وفجأة لقى رضوان واقف قدامه.
رضوان بابتسامة هادية:
اتأخرت عليك يا مالك.
لا يا رضوان بيه، الرجالة قالولي إنك مش موجود، فرنيت عليك.
آه، مسمعتش… أصلي كنت مع علي.
مالك باستغراب:
مع علي؟! في حاجة جديدة؟
رضوان وهو بيهز راسه:
آه… بس الأهم حاجة شفتها في بيته.
بيته! إنت رُحتله الفيلا؟
رضوان بابتسامة غامضة:
أيوه… واضح إنك كمان متفاجئ.
أكيد! خصوصًا إن علاقتكم فيها حرص شديد ومحدش يعرف تفاصيلها.
اللي عرفته أهم من كل ده.
بخصوص قضية علي؟
رضوان أومأ بإيجاب:
بالظبط… بس قولي، إنت كنت تعرف إن بنت بدران قاعدة معاه؟
سكت مالك شوية، وبعدين رد:
الأنسة وعد؟ آه… بقالها يومين بالظبط هناك، بسبب خلاف بسيط حصل.
مقولتليش ليه؟
الموضوع مكانش يستاهل إنّي أبلّغ حضرتك.
رضوان بعينين ضيقة: