رواية بين الحب والانتقام الفصل الثالث عشر 13 بقلم نور محمد – للقراءة المباشرة والتحميل pdf
– ده الى عجبك.
ابتسمت نادين، المدير قال
– تمام كده يا علي بيه؟
أومأ علي بإشارة خفيفة، طلع الكارت من محفظته وسلّمه للمدير اللي سحب المبلغ بابتسامة وقال:– ألف مبروك يا فندم، ربنا يتمم على خير.
كان مالك داخل وقتها، وقف قريب وهو بيبص لعلي بنظرة فيها استفسار.
استأذن علي من نادين بخطوة بسيطة وراح ناحيته، وقال وهو بيحاول يخفض صوته:– كل حاجة تمام؟
رد مالك بهدوء، لكن عيونه فيها قلق:– آه، في الفيلا تمام… بس بصراحة، كنت خايف لو هي معرفتش تتصرف، تتهور إنت وتروحلها.
– ساعتها كل اللي عملته يضيع، والناس تصدق كلامها هي مش كلامك.
بص له علي بطرف عينه بنظرة تحذير واضحة،
فسكت مالك فورًا، بلع ريقه وقال بسرعة:
– أنا مقصودش، بس الوضع متوتر شوية… وانت، يعني، مش هتقدر تسيبها بسهولة.
قال علي ببرود ثابت:– عملت اللي قولتلك عليه؟
رد مالك:– آه، متقلقش… هي دلوقتي لوحدها تمامًا.
ابتسم علي ابتسامة صغيرة مافيهاش لا دفء ولا ندم، وقال:
رجع لعند نادين اللي كانت بتجرب العقد قدام المراية وتضحك بخفة،
وهو حس للحظة إن انعكاس صورته جنبها في الزجاج باهت…
في السيارة، كان علي سايق بصمت تام
قالت نادين – حاسة إننا اتسرعنا شوية.