رفعت صباعين– “زمان…”
وبعدين رفعت الثالث– “ودلوقتي.”
ارتسمت ابتسامة جانبية على وش علي، ثم رجع بصلها قال
– “يبقى افتكري إنك مديونة لي.”
رواية بين الحب والانتقام الفصل الثالث 3 بقلم نور محمد – للقراءة المباشرة والتحميل pdf
في شقة مضاءة من كل زاوية، ورائحة الخمر منتشرة في الجو، كان يوسف جالس على الأريكة.
خلفه سهير، بملابس مكشوفة، تدلك كتفيه ببطء:
– بتجهد نفسك في الشغل ليه كده؟
ردّ يوسف ببرود:
– أسيب بابا يشيل الحمل لوحده؟ لأ… لازم أبقى معاه.
اقتربت منه أكثر، وصوتها فيه دلال:
– بس كده بتتعب… ريّح نفسك شوية.
نظر للأرض وقال بحدة مكبوتة:
– أنا مبعرفش أريح دماغي… الراحة بتفكرني بحاجات مش عايزها ترجع.
سكتت لحظة، ثم همست:
– كنت بتحب زمان؟
التفت لها فجأة، عينيه ثابتة:
– بصّيلي يا سهير… شكلي يدي اني ممكن أحب من قلبي؟
ابتسمت بسخرية مرّة:
– طب لو مش بتحب… إزاي بتقول إنك معجب بيا؟
أجاب ببرود لاذع:
– أنا مقولتش إني بحبك. أنا معجب بيكي… بستريح معاكي. بفضلك على أي حد تاني.
ابتلعت ريقها وسألت بصوت متردد:
– وده مش حب؟
اقترب أكثر، نظر في عينيها بحدة:
– لو شايفاه حب، يبقى بحبك. بس خلي بالك… حبي مش هيكون زي ما انتي متصورة، مش هيكون حاجة كويسة.