اخر حاجة عازها منك يا علا هي انك تجددي نيتك لله عز وجل وانك تفكري زي ما سبق وقلتلك في ارضاء الله عز وجل وتحطي هدفي هو عفة زوجك في زمن بقيت فيه الفتن قوية ومواجهتها محتاجة مننا ذكاء مش استسلام ، تمام يا انسة علا
علا ببعض الهدوء :تمام ، بس انا خلال الاسبوعين اللي حيكون فيهم كتب الكتاب دول اغير معاملتي لخطيبي ولا اتصرف ازاي
اميرة : بصي يا علا راعي انك زوجته بس في نفس الوقت ، لا يجوز ان يحصل بينكم علاقة زوجية كاملة ، الا باذن الولي وعموما راعي انك متحطيش نفسك مع زوجك في وضع متقدريش تتصرفي فيه ، او تقدمي مقدمات ممكن تحطك في موقف صعب ، من حق زوجك ان يمسك ايدك ، يشوفك بشعرك وكمان كتب الكتاب ممكن يكون فرصة كويسة للكلام اللي ممكن يكسر بينكم الخوف والخجل قبل فرحكم بس زي ما فهمتك شرعا اسمه عاقد مش خطيب ولا زوج بمعني الزواج
واخيرا انتهي اللقاء الذي شعرت علا بعده بمعني جديد لاشياء لم تتوقع سماعها ، ونظرة جديدة لزواجها
ليعود عمرو ويفتح الباب بالمفتاح ، بينما ابنائه لم يعودوا بعد ، عندها يخفق قلب شيرين بتوتر وهي تريد ان تعرف ما هو رد فعل عمرو ، لتسمع صوته مناديا : شيرين
فترد من المطبخ : ايوة يا عمرو
عمرو : تعالي عايزك
لتتقدم شيرين وتخرج من المطبخ وتقف امام عمرو وترد : ايوة يا عمرو