لتخرج علا من الكلية ولكن باتجه مشوارها الخاص والذي كانت تنتظره بفارغ الصبر ، رن هاتفها لتجد كريم هو المتصل
كريم بمزاح : مش ده بردوا تليفون الانسة علا السويفي
علا مبتسمة : ايوة يا فندم هو
كريم : طب مبروك يا انسة علا مبروك
علا باستغراب مبتسمة : علي ايه
كريم : مش فرحك كمان 3 اسابيع ، قلت اباركلك
علا ضاحكة : ازيك يا كريم
كريم بود : ايه ده انتي لسه فاكرة اسمي ، طب كويس والله انا قلت انك نسيتني في زحمة انشغال حضرتك
علا مبتسمة : انا فعلا مشغولة اوي بس ممكن افضيلك وقت عشان اكلمك بردوا
كريم : ياااااه كتر خيرك يا علا والله ، وليه التواضع ده بس
علا: يلا اهو كله بثوابه
كريم : يا تري وراكي ايه انهاردة
علا : في قدامي مشوار كده لازم اروحه وبعدين اروح ، ويمكن كمان اشتغل علي الرسالة شوية قبل ما انام وانت
كريم : انا ، لا انا يا ستي كان عندي امل انزل مع خطبتي نتفرج علي العفش بس واضح كده انها مشغولة بحاجات تانية
علا : ما احنا حننزل يا كريم مع ابيه عمرو
كريم : يعني مكنش ينفع ننزل مرة قبل المشوار ده
علا : معلش يا كريم ، كده كده ابيه عمرو مش حيوافق علي الخروجة دي لوحدنا ، لو علي كان هنا كنا قلنا ليه هو و ميار يجوا معانا بس علي لسه حيرجع بكرة ، عموما احنا حننزل الاسبوع الجاي وان شاء الله نتقابل يوم الجمعة
لحظات وانهت علا المكالمة لتكمل طريقها الي مكتب الدكتورة اميرة سويدان
عندها كانت شيرين تخرج من عند الكوافير ، قررت شيرين ان تحدث تغييرا فقررت ان تصبغ بعض خصلات شعرها الي اللون الاصفر بغض النظر علي انها لم تكن متناغمة مع وجهها المهم انها قررت التغيير ، الي محل لبيع ادوات التجميل اشترت شيرين احمر شفاة وقلم كحل و زجاجة برفان صغيرة ، واخيرا الي اجرأ واقوي حركة تغيير قررت شيرين ان تشتري ( جلابية جديدة ) لكنها ستكون مختلفة عن المعتاد لديها ، ستكون نصف كم لتبدي ذراعها واقصر من جلابيتها المعتادة و مفتوحة بعض الشئ من امام الصدر ، لتعود شيرين وهي في بالغ فرحتها فيما فعلت وفي حركة التغيير القوية التي ستحدثها اليوم ، بدلت ملابسها وتوجهت للحمام وبعد حمام دافئ ارتديت شيرين الجلابية الجديدة ببالغ سعادتها ووضعت احمر الشفاة وكحل ثم صففت شعرها واسدلته ،اخيرا وضعت البرفان ثم توجهت للمطبخ لتكمل الغداء بانتظار عودة اولادها الاربع و عمرو الذي كانت تتوقع انهياره من قمة الانوثة و الاغراء التي كانت عليها
لتخطو علا خطوات باتجاه عنوان الطبية و الاستشارية التي كانت قد اتصلت بها من اجل ان تتحدث معها بخصوص امر زواجها ، لتدخل الي مكتبها وتنظر علا نظرة سريعة علي المكان و وجوه الحاضرين ، كان كل المنتظرات نساء بين من جلست مبتسمة ومفعمة بالامل ومن جلست باكية تشكو دموع عينها أنينها ، ليأتي علا صوت كانت تنتظره من سكرتيرة مكتبها : آنسة علا حسين السويفي
لترفع علا نظرها وترد : ايوة
ليأتيها الرد : دكتورة أميرة منتظرة حضرتك
لتتقدم علا خطوات باتجاه غرفة الدكتورة أميرة ، تطل برأسها لتري امرأة في سن شيرين وعبير ولكن لا يبدو عليها أثار هذا السن ، الملفت ان الطبيبة خالفت توقعاتها لتجد امرأة ترتدي عباءة فضفاضة وحجاب شرعي ، جعل علا تستشعر الاستغراب فكيف ستسألها فيما تنوي سؤالها وكيف سترد عليها، لتتقدم أميرة باتجاهها لترحب بها : أهلا يا آنسة علا
لترد علا وهي لا تزال علي استغرابها : أهلا بحضرتك يا دكتورة
ملئ وجهها الابتسامة وردت: خير يا آنسة علا ، أحب أسمعك
علا بتوتر : خير انا بصراحة كنت جاية لحضرتك بخصوص موضوع كده
ابتلعت ريقها ثم أكملت : انا فرحي بعد 3 أسابيع وكتب كتابي زى انهاردة الأسبوع الجاي وبصراحة ، انا حالي حال بنات كتير أوي ، الشقة جاهزة وحننزل نجيب العفش علي الأسبوع الجاي وممكن انزل أجيب شوية حاجات زيه هدومي مثلا بس ——————–
بس انا حاسة زى ما أكون رايحة امتحان صعب وانا مش مذاكرة وخايفة أوي افشل ، وبصراحة كمان النماذج اللي حوليا مش كلها تشجع ، وأولهم والدي الله يرحمه وماما مكنش بينهم تفاهم و اغلب الوقت رأي بابا هو اللي لازم يمشي ، انا عايزة حياتي تكون مختلفة لما أتجوز مش عايزة اكرر غلطات اللي حوليا ، بس بصراحة انا عندي 23 سنة اهو بس والله ما اعرف ولا افهم عن الجواز حاجة حتى معلوماتي عن العلاقة الزوجية نفسها يعني ————-
زفرت وقد شعرت بالخجل ، لتجد أميرة قد ابتسمت لخجلها وقبل ان تكمل قررت أميرة الرد : أولا يا آنسة علا مش عايزكي تقلقي خالص ، انا كلامي معاكي حيكون واضح وسلس واكيد كمان حاحترم حيائك اللي بجد ربنا يباركلك فيه لأنه بقي عملة نادرة ، ثانيا انا عايزكي تفتحيلي قلبك وتعتبريني اختك الكبيرة واسألي زي ما انتي عايزة تسألي انا تحت امرك
علا وقد شعرت ببعض الراحة : عارفة يا دكتورة والله انا في سؤال جوايا كده نفسي اسأله ، هو —————————— هو يعني ايه جواز
لتضحك أميرة وترد : ياه يا آنسة علا انا يمكن محدش سألني السؤال ده قبل كده بس بجد سؤالك في الصميم ، بصراحة الإجابة علي السؤال ده تحديدا إجابة صعبة بس مهمة ، بصي يا علا ربنا سبحانه وتعالي اشرع الجواز عشان يكون سنة في خلقه ومختصر شرح معني زواج موجود في آية من كتاب ربنا وحديث للرسول صلي الله عليه وسلم الآية هي ( وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ)
قولي لي يا آنسة علا أول ما سمعتي الآية دى حاستي بايه
علا ببعض الاستغراب هي مبتسمة : إحساسي بالآية يعني ، حسيت بالراحة
اميرة : بالظبط ،وده معني السكن ببساطة يا انسة علا اننا نحس براحة جنب ازوجنا يكونوا سكن لينا ونكون سكن ليهم ، ونحط المودة والرحمة دستور اساسي نبدأ في الحياة دي
نيجي للحديث وده بقي حديث الرسول صلى الله عليه وسلم: «كلكم راعٍ وكلكم مسؤول عن رعيته، فالإمام راعٍ ومسؤول عن رعيته، والرجل راعٍ في أهله ومسؤول عن رعيته، والمرأة راعية في بيت زوجها ومسؤولة عن رعيتها، والولد راعٍ في مال أبيه ومسؤول عن رعيته، والخادم راعٍ في مال سيده ومسؤول عن رعيته،وكلكم راعٍ وكلكم مسؤول عن رعيته )
وطبعا معني الحديث ان في الزواج لازم كل شخص يكون عارف حقوقه وفاهم واجبته ومدرك معني المسئولية عشان حيسأل عنها يوم القيامة
نيجي بقي للاسئلة اللي تخص الجواز ، بصي يا علا انا عايزكي تعرفي حاجة مهمة اوي وانتي بتحضري لجوزك بلاش تبصي بس لجوزك من ناحية انه منتظر منك بس ان ترضيه في العلاقة الخاصة بينكم وبس ، لا يا علا الاهم من اننا نشوف ان الموضوع ده مهم لازم نبص بردوا للراجل ككيان محتاج الحب والاحتواء والست اللي تفهمه وتقدره ، الست اللي تتفاعل مع رغباته ومتطلباته مش تتصنع التفاعل لانها خايفة تصرح بحقيقة اللي بتحسه ، الست الواضحة في حوارها واللبقة اللي تقدر بحلو لسانها ترد وتاخد حقها من غير اساءة ليه او لاهله ، الست اللي تفهم ان لها شخصيتها وكيانها وتعرف ازاي تزينهم لان دول اللي حيظهروا جمالها اللي بجد وحيخلوا زوجها يقدر انه ميعرفش يستغني عنها
المعلومات الطبية ضرورية ، بس التفاصيل اللي تخص التشريح الفسيولوجي مش مهم اوي انك تكوني عارفة تفاصلها ، لكن المهم اني عازكي تفضي دماغك من أي كلام او افكار سلبية اتحكيتلك عن ليلة الدخلة ، ارجعي فكري في كلامي وفي الاية اللي قولتها عن السكن
علا ببعض الحرج : طيب ببساطة كده ممكن الخوف يروح
اميرة وهي تقوم من مكانها وتتجه لتجلس امامها : لا طبعا الخوف ده طبيعي لانها تجربة جديدة ولانك بردوا بتدخلي علي مرحلة جديدة من حياتك وكمان حالة الترقب اللي احيانا بتبقي حولين العريس والعروسة بتزود الخوف والتوتر ، بس نصحتي ليكي انك تحاولي تنسي خوفك وتحاولي متشديش اعصابك وكمان انا حاكتبلك علي اسم لوشن ممكن تستخدمه في الفترة الاولانية وده حيسهل الموضوع عليكي وعلي زوجك وكمان ممكن يخفف من الالم ( نيفيا بدي لوشن للبشرة الجافة جدا ) ده اسمه
علا : طب وانا بصراحة كنت عايزة اسأل بردوا ، انا كنت سمعت يعني عن موضوع المطهرات ده وكنت عايزة اسأل حضرتك عن الموضوع ده
اميرة : بصي يا علا اتعملي مع الموضوع علي اعتبار انه جرح مش مشكلة كبيرة ، اولا بلاش المية الدافية والافضل المية الفترة بس بس ومتستخدميش معاها حاجة تانية ، اولا بلاش المية الدافية لانها حتزود فرص اصابة المكان بالميكروبات وثانيا بلاش المطهرات نهائي لانها ممكن تسبب التهابات وافضل حاجة تحصل هي استخدام المية الفاترة او الباردة لانها حتساعد علي انقباض الاوعية الدموية
علا : هو كده خلاص
اميرة مبتسمة : لا يا علا لسه ، لسه باقي جزء مهم يخص الجانب الفقهي من حياتنا الزوجية الجزء الخاص بالاغتسال و المحظورات و وبعض المعلومات الفقهية
علا مبتسمة : كلي اذان صاغية
اميرة : طب بسم الله بصي يا ستي اولا عاكزي تعرفي الاغتسال علي السنة كانت كيفيته كالتالي عن عائشة رضي عنها أن النبي صلى الله عليه وسلم: ( كان إذا اغتسل من الجنابة يبدأ فيغسل يديه ثم يفرغ بيمينه على شماله فيغسل فرجه ثم يتوضأ وضوءه للصلاة ، ثم يأخذ الماء ويدخل أصابعه في أصول الشعر حتى إذا رأى أنه قد استبرأ ( أي أوصل الماء إلى أصول الشعر ) حفن على رأسه ثلاث حثيات ثم أفاض الماء على سائر جسده ))
وحديث تاني
وعن ميمونة رضي الله عنها قالت وضعت للنبي صلى الله عليه وسلم: ( ماء يغتسل به فأفرغ على يديه فغسلهما مرتين أو ثلاثا ثم أفرغ على بيمينه على شماله فغسل مذاكيره ثم دلك يده بالأرض ثم مضمض واستنشق ثم غسل وجهه ثم غسل رأسه ثلاثا ثم أفرغ على جسده ثم تنحى من مقامه فغسل قدميه )
الفرق بين غسل الرجل وغسل المرأة هي انها ممكن تخلل شعرها بالماء حتي لو مفكتش شعرها وده بيكون فقط في الاغتسال من الجنابة ام الاغتسال من الحيض او النفاس فلازم تفك شعرها
وطبعا انتي عارفة ان شرعا محظور في الجواز حاجتين
اولا العلاقة في وقت الحيض وده لقوله تعالي( ويسألونك عن المحيض قل هو أذى فاعتزلوا النساء في المحيض ولا تقربوهن حتى يطهرن فإذا تطهرن فأتوهن من حيث أمركم الله إن الله يحب التوابين ويحب المتطهرين ) انا عايزة اوضحلك نقطة مهمة اوي يا علا ، وهي الفرق بين الطهر والتطهر
علا : وهو في فرق
اميرة : طبعا الطهر معناه انقطاع دم الحيض ، لكن التطهر معناه الاغتسال من الحيض ولا يجوز ان يحصل حاجة بين الراجل ومراته الا بعد الاغتسال من الحيض مش مجرد انقطاع الدم
والنقطة التانية : حديث أبي هريرة ـ رضي الله عنه ـ قال: قال رسول الله صلى الله عليه وسلم: ملعون من أتى امرأته في دبرها. صححه الألباني.