نظرت سماح الي رحيل باندهاش … فاكمل قائلا: . انتوا الصبح هتتعرضوا علي النيابه ودي حاجه مش هقدر اساعدكم … انا. هقدم اعترافاتكم للنيابه مع الفيديوهات اللي راجح صورهالكم ودي هتخفف كتير من عقابكم
صرخت سماح بصوت عالي قائله: . لا فضايح لا انا مستعده اشيل القضيه لوحدي حتي لو هاخد اعدام بس بنتي ميجيش اسمها في القضيه … ابوس ايدك يابني بلاش تكسرنا اكتر ما احنا مكسورين
نظر لها اشرف نظره مطوله ثم قال:. انا اسف يا مدام مقدرش اخون القسم اللي حلفت بيه يوم ما اتخرجت من الشرطه …مهمتي بتحتم عليا اقدمكم للعداله واني لازم اقدم كل الادله والاثباتات اللي ادامي وإلا هكون خاين للبدله دي ومضلل للعداله
ظلت سماح تبكي حاول ان تستعطفه لكي لا يكشف سترها … حتي قام من مجلسه وادخلها غرفه متصله بمكتبه. ابتسم لهم بشفقه وتكلم صوت خافت قائلا: . الليله مش هتباتوا في الحجز تقدروا تناموا هنا وبكره هكون معاكم خطوه بخطوه في النيابه …انا جنبكم اطمنوا …
في الصباح تم عرضهم علي النيابه
وكيل النيابه: . ما قولك بما هو منسوب اليكي باشتراك مع طفلتك بقتل زوجك راجح السيد رشدي وتقطيع لحمه الي اجزاء وتوزيعها علي الناس ؟
سماح صارخه: . معترفه بس بنتي مقتلتهوش بنتي معملتش حاجه. انا اللي عملت كل حاجه