فاجابته السيده :. وعليكم السلام اؤمرني يا اخويا
الشيخ محمد :. ميؤمرش عليكي ظالم ياااارب فالامر لله ممكن اسأل سؤال !
فاجابته السيده :. ولو اني مش من هنا بس اتفضل يمكن حد يدلك علي سؤالك
ابتسم الشيخ لبساطتها ثم سألها :. هو انتوا قاعدين ليه هنا في الشارع !!
ترقرقت الدموع من اعين السيده ثم اجابته :. والله يا مولانا الواد ابني الصغير محجوز في المستشفي اديله يومين وممنوع يكون في مرافق فغصب عننا بنبات هنا والصبح بندخل نطمن عليه
شعر الشيخ بالخزي والحزن فسألها :. انتي اكلتي !!
فاجابته بحزن :. لو علي الاكل مقدور عليه حتي لو لقمه عيش ناشفه ممكن ناكلها ونسد جوعنا بس العلاج في المستشفي مش متوفر واحنا كمان جتتنا باشت من النوم علي الرصيف
هنا رفع الشيخ صوته قائلا :. يا اهل الله انا معايا عشا يكفي عشر اشخاص هناكل كلنا هنا علي اد ما قسم
ومحدش هيبات في الشارع بيت الله مفتوح لاهل الله
انا امام المسجد الكبير كلنا هنبات هناك ونذكر ربنا لعل وعسي يلهمنا الصبر ويرزقنا الشفا
ارتفعت اسارير الناس فقد وجدوا صالتهم من اكل ومسكن حتي ولو ليوم واحد ولكن ماادام بيت الله مفتوحا فمنذا الذي يغلقه !!!
رفع الشيخ محمد غفران علي يده ثم همس في اذنها :. مكنتش ناوي اعمل كده ولا اعدي من الشارع ده بس واضح انك كنتي السبب في كل ده عرفتي مين اهل الله